Për herë të parë që kur doli nga koalicioni me PS, LSI do të votojë një ligj të propozuar nga qeveria për të cilin, PD është kundra. Bëhet fjalë për vetingun në polici.
Lajmin e bëri të ditur kryetarja e LSI, Monika Kryemadhi.
“Vetingu në polici është një instrument i jashtëzakonshëm për situatën në të cilën jemi sot, projektligj i rëndësishëm për të pasur parasysh etapat e tjera, sepse situata me të cilën gjendet policia është e mjerueshme për shkak dhe të implikimit të shumë segmentëve, tregon që vetingu është i domsdoshëm.
Ne jemi në pritje të aprovimi të 19 amendamenteve të paraqitura nga LSI. Nuk kanë të bëjë me asnjë lloj kapriço politike, por përgatitjes dhe përafërimit të një legjislacioni jo vetëm evropian po dhe demokratik për të pasur një legjislacion që largon çdo abuzim me segmentet e policisë”, tha znj. Kryemadhi.
A do shkaktojë problem me PD, kjo votë e LSI pro mazhorancës?
Kryemadhi: Unë nuk mendoj se ka problem në të, se dhe raste të tjera ka pasur gjithmonë. Një nga qëndrimet që LSI ka patur dhe nuk kompleksohet. Ka bërë të qartë qëndrimin e saj përsa i përket bashkëpunimit të ligjeve për qytetarët nuk ka qëllim tjetër vetëm angazhim të LSI për një politikë në funksion të qytetarëve dhe shtetasve shqiptarë.
