Ndeshja mes Brazilit dhe Argjentinës për kualifikueset e botërorit Katar 2022, u ndërpre vetëm disa minuta pas fillimit të saj, pasi zyrtarët brazilianë të shëndetësisë kundërshtuan pjesëmarrjen e lojtarëve argjentinas që ata besojnë se thyen rregullat e karantinës.
Ndërhyrja erdhi disa orë pasi autoritetet shëndetësore të Brazilit kishin thënë se katër lojtarë të Argjentinës, rezidentë në Angli duhej të karantinoheshin.
Edhe pse autoritetet nuk i përmendën emrat, të katërt lojtarët me klubet angleze të Premier League janë Emiliano Buendia dhe Emiliano Martinez të Aston Villa dhe Giovani lo Celso dhe Cristian Romero të Tottenham Hotspur.
Autoriteti shëndetësor i Brazilit, Anvisa, tha në një deklaratë para lojës: “Anvisa e konsideron situatën një rrezik serioz për shëndetin dhe kështu u ka kërkuar autoriteteve shëndetësore vendore që të përcaktojnë karantinën e menjëhershme të lojtarëve, të cilët ndalohen të marrin pjesë në çdo aktivitet dhe ndalohet të qëndrojë në tokën braziliane”./Opinion.al
