Situata Covid ka ndryshuar sërish faktin e Lojërave Olimipike. Pas shtyrjes një vit më parë për shkak të pandemisë dhe vendimit përt’u mbajtur më 23 Korrik të vitit 2021, një tjetër vendim vjen për një nga evenimentet më të rëndësishme sportive në botë. Pas një takimi të Komitetit Olimpik Ndërkombëtar, qeverisë japoneze, qeverisë së Tokios, Komitetit Paraolimpik Ndërkombëtar dhe organizatorëve lokalë u mor vendimi që ky aktivitet të mbahet pa tifozë të ardhur nga jashtë vendit.
“Ne shprehim zhgënjimin e të gjithë tifozëve entuziastë të Olimpiadës nga e gjithë bota, dhe natyrisht familjeve dhe miqve të atletëve, të cilët po planifikonin të vinin në Japoni”, tha presidenti i IOC-së, Thomas Bach. Vendimi për të ndaluar pjesëmarrjen e publikut të huaj merret për shkak të frikës nga një rritje e numrit të të infektuarve në Japoni.
Komiteti do të rimbursojë tifozët jashtë shtetit që kanë blerë tashmë bileta. Deri më tani janë shitur 630.000 bileta, sipas shefit ekzekutiv të komitetit Toshiro Muto.
