Aktualitet

Lleshaj për arrestimin e Bashos: Goditja e radhës në serinë e pandalshme


               Publikuar në : 16:02 - 16/10/19 |
el ida

Ministri i Brendshëm, Sandër Lleshaj, ka reaguar lidhur me operacionin policor të zhvilluar sot në qytetin e Vlorës, ku u arrestua, Tesi Basho.

Me anë të një postimi në rrjetin social, Lleshaj tha se finalizimi i suksesshëm i tij provon qartazi se Policia e Shtetit, po e rrit përditë forcën e saj goditëse ndaj krimit, teksa shtoi se kjo është vetëm një goditje e radhës në serinë e pandalshme që vijon.

Ministri tha se Vlora duhet të ndihet sot më e qetë dhe më e sigurtë, ndërsa theksoi se operacioni vazhdon.

Postimi i plotë:

Policia e Shtetit arrestoi sot në Selenicë një ndër kriminelët më të rrezikshëm në vend, një vrasës të shumëfishtë, të arratisur nga burgu në Itali dhe të dyshuar edhe për vepra të tjera të rënda.

Finalizimi i suksesshëm i këtij operacioni provon qartazi nivelin e integritetit dhe profesionalizmit të Policisë së Shtetit, e cila po e rrit përditë forcën e saj goditëse ndaj krimit.

Por kjo është vetëm NJË goditje e radhës në serinë e pandalshme që vijon. Vullneti politik për luftën kundër krimit, është i paepur.

Policia e Shtetit është plotësisht e motivuar dhe mbështetja e bashkëpunimi i qytetarëve për të, në funksion të një Shqipërie me të drejtë dhe më të sigurtë, është në rritje të vazhdueshme.

Vlora duhet të ndihet sot edhe më e qetë dhe më e sigurtë, ndërsa Policia e Shtetit më krenare për operacionin e planifikuar dhe finalizuar me mjeshtëri profesionale.

Përgëzime dhe respekt për të gjithë ata pjesëtarë të PSH që kontribuuan në këtë sukses.

Ndërkohë, operacioni vazhdon… 🇦🇱👮‍♂️👮‍♀️🇦🇱/Opinion.al

Pas