Aktualitet

Lirohet 46-vjeçarja që vrau foshnjen e saj, vuan nga çrregullimi bipolar


Bëhu pjesë e Grupit Zyrtar të Opinion.al
>> KËTU <<
               Publikuar në : 11:21 - 14/11/20 |
Al Do

Lihet në arrest shtëpie Irena Kostaki (Zeria), 46-vjeçarja e arrestuar dy ditë më parë për vrasjen e vajzës 9 muajshe 25 vite më parë. Në seancën e zhvilluar ditën e premte, Gjykata e Korçës ka vlerësuar gjendjen e rënduar shëndetësore të saj, duke e lënë në ‘arrest shtëpie’.

Avoktati i saj ka sqaruar se lehtësimi i masës së sigurisë ka ardhur pasi 46-vjeçarja është e kartelizuar dhe vuan prej 2 dekadash nga çregullimi bipolar.

Në vitin 1995 Irena Kostaki ka vrarë duke mbytur me duar foshnjën e saj 9-muajshe, ndërsa është arratisur nga Qendra e Paraburgimit të Femrave në Koridalo, Greqi, ku ka qenë me masë sigurie.

Në vitin 2005 gjykata e Lamias, ka dhënë vendimin e dënimit të saj, në mungesë të Irena Zeria, duke e dënuar me 20 vite burg.

Pasi gjykata e Lamias dha vendimin e formës së prerë që e dënoi me 20 vite burg shteti grek i dërgon kërkesë ministrisë së Drejtësisë shqiptare dhe i kërkon ekstradimin e saj.

Shteti shqiptar e ka refuzuar kërkesën e ministrisë së Drejtësisë së shtetit Grek, pasi e dënuara nuk është pyetur nëse ka dëshirë apo jo të ekstradohet por ka pranuar kërkesën tjetër, atë të njohjes së dënimit të 46-vjeçares më 20 vite burg.

Derisa të përfundojë procesi për njohjen e vendimit të gjykatës, pritet që gjykata e Korçës të nisë procesin./ Opinion.al

Pas