Më shumë se 40 deputetë të Parlamentit Evropian i kanë shkruar presidentit të Francës, Emanuel Macron dhe kryeministrit të Holandës, Mark Rutte, duke kërkuar liberazimin e vizave për Kosovën nga vendet e Bashkimit Europian.
“BE-ja është duke u përpjekur që të luaj rolin e një ndërmjetësi të paanshëm në dialogun mes Kosovës dhe Serbisë. Megjithatë, kjo nuk do të jetë e mundur nëse ne vazhdojmë t’i trajtojmë qytetarët e këtyre dy vendeve në mënyra të ndryshme, duke u ofruar udhëtim të lirë qytetarëve të Serbisë dhe duke u vendosur pengesa për të gëzuar të njëjtën mundësi atyre të Kosovës”, thuhet në letër.
Eurodeputetët e mbrojnë qëndrimin e tyre në faktin se Komisioni Evropian ka konfirmuar se Kosova i ka përmbushur të gjitha kriteret për liberalizim vizash dhe se Parlamenti e ka mbështetur këtë.
Ata thonë se BE-ja duhet të përmbyll procesin dhe të liberalizoj vizat për qytetarët e Kosovës, duke rikujtuar se ky proces është vonuar shumë.
Kujtojmë që kjo letër publikohet pikërisht në ditën kur kryeministri i Kosovës, Avdullah Hoti, është takuar në Paris me presidentin Emmanuel Macron, dhe kur pritet rifillimi i dialogut mes Kosovës dhe Serbisë më 12 korrik në Bruksel, ndërsa më herët një takimm dy palëve ishte anuluar në Shtëpinë e Bardhë.
Kujtojmë se lideri francez dhe ai holandez janë konsideruar si kundërshtarë të hapur të liberalizimit të vizave me Kosovën.
