Aktualitet

Lezhë / Zbulohet shkaku i djegies së automjetit të biznesmenit



Bëhu pjesë e Grupit Zyrtar të Opinion.al
>> KËTU <<
               Publikuar në : 17:41 - 19/11/22 |
Opi Nion

Është zbuluar shkaku i djegjes së makinës së biznesmenit Ndue Pjetrushi në Ishull Shëngjin.

Sipas policisë, nga veprimet hetimore ka rezultuar se djegia e automjetit nuk është shkaktuar nga faktorë të jashtëm, por nga probleme teknike të automjetit. Për këtë arsye ngjarja është klasifikuar aksidentale.

“Rreth orës 04:00 të mëngjesit të sotëm, është marrë njoftim se në Ishull Shëngjin po digjej automjeti tip “Benz”, në pronësi të biznesmenit Ndue Pjetrushi, 56 vjeç, të cilin ky shtetas e kishte parkuar në rrugë, në afërsi të banesës.
Menjëherë është ngritur një grup i posaçëm hetimor nga strukturat hetimore të Komisariatit të Policisë Lezhë, i cili nën drejtimin e Prokurorisë pranë Gjykatës së Rrethit Gjyqësor Lezhë dhe në bashkëpunim me ekspertë të MZSH Lezhë, ka kryer veprimet hetimore për sqarimin e plotë të rrethanave të ngjarjes.
Si rezultat i veprimeve hetimore të shpejta dhe profesionale, bazuar dhe në ekspertimin piroteknik të kryer, ka rezultuar se djegia e automjetit nuk është shkaktuar nga faktorë të jashtëm, por nga probleme teknike të automjetit.
Për këtë arsye ngjarja është klasifikuar aksidentale. Materialet procedurale janë referuar në Prokurorinë pranë Gjykatës së Rrethit Gjyqësor Lezhë, për vlerësim”-njofton policia.

Pas