Kronikë

Lezhë/ U kap me 2 kg heroinë dhe 2 kallashnikovë, në pranga 43-vjeçari


Bëhu pjesë e Grupit Zyrtar të Opinion.al
>> KËTU <<
               Publikuar në : 11:30 - 01/11/20 |
Opi Nion

Një 43-vjeçar është vënë në pranga pasi është kapur nga policia me 2 kilogramë heroinë dhe dy kallashnikov.

“Në vijim të punës për parandalimin, evidentimin dhe goditjen e veprimtarisë kriminale në fushën e trafikimit të drogave të forta dhe armëve të zjarrit, bazuar dhe në informacionet e marra në rrugë operative se një shtetas që po qarkullonte me mjet në aksin rrugor Shkodër-Lezhë dyshohej se po transportonte lëndë narkotike dhe armë zjarri, u organizua dhe u finalizua operacioni policor i koduar “AKSI””, njofton policia.

Autoritetet njoftojnë se gjatë kontrollit në automjetin tip “Renault” me drejtues shtetasin G. D., në bagazhin e modifikuar të këtij mjeti janë gjetur 2 pako me  heroinë me peshë 2 kg dhe 2 kallashnikovë.

43-vjeçari G. D., banues në Tiranë, është arrestuar në flagrancë  për veprat penale “Prodhimi dhe shitja e narkotikëve” dhe “Armëmbajtja pa leje”. Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme./ Opinion.al

Pas