Aktualitet

Leksionet e Hodges, Zhupa i drejtohet institucioneve:Vënë në dyshim ekzistencën tonë



Bëhu pjesë e Grupit Zyrtar të Opinion.al
>> KËTU <<
               Publikuar në : 13:09 - 02/08/22 |
el ida

Deputetja e Partisë Demokratike Ina Zhupa ka reaguar ndaj leksioneve dhe artikujve të drejtuesit të konçensionit të Butrintit Richard Hodges lidhur me origjinën e shqiptarëve.

Në një dalje për mediat, Zhupa njoftoi se është drejtuar zyrtarisht ndaj institucioneve të albanologjisë, historisë dhe arkeologjisë  lidhur me deklaratat e Richard Hodges.

“Qëndrimet anti-shqiptare dhe anti-kombëtare të mbajtura nga Richard Hodges janë mjaft shqetësuese, pasi ato vënë në dyshim prejardhjen e popullit tonë, ekzistencën e shtetit shqiptar, historinë dhe trashëgiminë kulturore të shqiptarëve. Aq më tepër, këto deklarata të bëra nga një person, i ngarkuar dhe i paguar për detyrën e mbrojtjes dhe promovimit të trashëgimisë kulturore të shqiptarëve, të mishëruar par excellence në Parkun Kombëtar të Butrintit, përbëjnë një skandal të rëndë që meriton një përgjigje të menjëhershme nga institucionet shqiptare, vecanërisht institutet me dije dhe ekspertizë të posacme në fushën e historisë, arkeologjisë dhe trashëgimisë.

Në këtë kuadër, në cilësinë e deputetes së Kuvendit të Shqipërisë, në mbështetje të nenit 8 dhe nenit 10 të ligjit nr. 8550, datë 18.11.1999 “Statusi i Deputetit”, kërkoj nga juaj mbajtjen e një qëndrimi zyrtar me shkrim lidhur me:

(I) bazueshmërinë shkencore të deklarimeve të Z. Hodges;

(II) përshtatshmërinë profesionale të këtij personi për mbajtjen e detyrës së anëtarit të Bordit të Fondacionit për Menaxhimin e Butrintit;

(III) rekomandimet tuaja lidhur me reagimin institucional që duhet të mbajë Ministria e Kulturës, Kuvendi i Shqipërisë etj. ndaj këtyre deklaratave”, tha Zhupa.

Kujtojmë se në një video të publikuar disa ditë më parë nga studiuesi Auron Tare, dëgjohej Hodges të mohonte origjinë dhe atutenticitetin e shqiptarëve në trojet e tyre./Opinion.al

Ndiqni me poshte nje nga leksionet e Richard Hogdes ….

 

 

 

Pas