Legjenda e Brazilit mendon se mesfushori i Liverpool Philippe Coutinho është lojtari më i mirë që përfaqëson vendin e tij në këtë fazë në Evropë, sipas Express UK. Coutinho, i cili u transferua te “The Reds” për 12 milionë euro nga Inter, është kthyer në një nga lojtarët kryesorë të ekipit anglez, megjithëse nuk është aktivizuar shumë me ekipin kombëtar.
Ka disa brazilianë që aktualisht po bëjnë një sezon të mirë në Evropë, Neymar i Barcelona-s, David Luiz i PSG dhe Ëillian i Chelsea janë disa prej tyre. Gjithsesi Pele beson se eksperienca e Coutinho ka bërë që ai jetë më i mirë, të paktën në sytë e tij.
“Brazili ka lojtarë fantastikë që luajnë në Evropë,” shprehet Pele për LFC TV. “Ka shumë lojtarë të rinj tepër të talentuar për momentin por asnjëri nuk e ka eksperiencën e Phillipe. Ai është rritur në Evropë, duke shkuar në Itali kur ishte vetëm 17-18 vjeç.”
Braziliani ka bërë 28 paraqitje me fanellën e Liverpool gjatë këtij sezoni, duke shënuar shtatë gola dhe duke dhuruar pesë asiste. Coutinho, vetëm 23 vjeç, ka akoma shumë vite të mbetura në futboll. Do të jetë interesante për të parë se si do të jetë progresi i tij në të ardhmen.
