Bota

Lavrov krahason vizitën e Pelosit me ndihmën në Ukrainë:SHBA s’mund të bëj ç’të dojë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:37 - 03/08/22 |
Opi Nion

Ministri i Jashtëm rus Sergey Lavrov, tha se vizita e kryetares së Dhomës së Përfaqësuesve të SHBA, Nancy Pelosi në Tajvan pasqyron dëshirën e Uashingtonit se mund të bëjnë çfarë të duan, pa llogaritur pasojat e veprimeve.

Këtë gjë Lavrov e deklaroi të mërkurën gjatë një konference për shtyp me ministren e Jashtme të Mianmarit, Wunna Maung Lwin, sipas agjencisë ruse të lajmeve TASS.

Lavrov e krahasoi vizitën e Pelosit me ndihmën e SHBA-së ndaj pushtimit rus të Ukrainës, duke thënë: “Nuk mund të them se cili ishte motivimi i amerikanëve, por nuk ka dyshime se ajo pasqyron të njëjtën politikë për të cilën po flasim në lidhje me situatën Ukrainën.”.

Të martën, Ministria e Jashtme ruse tha në një deklaratë se Rusia e konsideroi vizitën e Pelosit  një provokim të qartë në frymën e politikës agresive të Shteteve të Bashkuara për një përpjekje të gjithanshme për të ndalur Republikën Popullore të Kinës.

Ministri i bëri thirrje gjithashtu Uashingtonit të përmbahet nga veprimet që cënojnë stabilitetin rajonal dhe sigurinë ndërkombëtare dhe të njohë realitetin e ri gjeopolitik në të cilin nuk ka më vend për hegjemoninë amerikane.

Ndërkaq, refuzimi i Kinës për të dënuar luftën e Rusisë ndaj Ukrainës ka nxitur spekulime mbi synimet e saj me Tajvanin, duke ngritur pikëpyetje se si mund të reagojë bota nëse ajo nis një sulm.

Nga ana tjetër, të mërkurën, presidenti ukrainas Volodymyr Zelensky gjatë një fjalimi virtual në Universitetin Kombëtar Australian  i bëri thirrje Kinës që të kundërshtojë Rusinë.

 

Pas