Aktualitet

Ngjarja në Himarë, Rama: Ky është sezoni më i organizuar dhe i rregullt, por…



Bëhu pjesë e Grupit Zyrtar të Opinion.al
>> KËTU <<
               Publikuar në : 12:11 - 03/08/22 |
Opi Nion

Kryeministri Edi Rama ka reaguar sërish lidhur me ngjarjen e rëndë të ndodhur dje në Himarë, ku nbjë skaf me drejtues Arjan Tase goditi për vdekje një vajzë 7 vjeçe.

Duke e cilësuar si sezonin më të organizuar dhe të rregull në vendin tonë, Rama ka kritikuar përsëri median dhe politikanët që kanë folur për ngjarjen e rëndë.

Rama shkruan se Policia e Shtetit i ka marrë të gjitha masat për të reaguar për sigurinë e qarkullimit rrugor dhe ujor.

Kreu i qeverisë është ndalur dhe tek deklaratat e opozitës si dhe tek protesta që është thirrë nesër në mbrëmje, ku ironizon Berishën duke thënë se është “non grata” dhe Ilir Metën, për të cilin thotë se mban dy identitete.

Reagimi i Ramës

Madhësia e tragjedisë së djeshme në Himarë e bën edhe më të madhe se çdo herë tjetër,ligësinë e verbër të vampirëve politikë e mediatikë që s’lenë plagë pa futur gojën e tyre të përdalë, duke kërkuar përfitimet e tyre mizerabël në shkelje të çdo kodi moral, familjar, kombëtar!

Ky është sezoni më i organizuar, më i rregullt e më i pastër turistik ndonjëherë falë punës së palodhur që kemi nisur qysh shtatorin e shkuar! Ishte deri dje edhe sezoni më i qetë e më i sigurtë,me plazhet publike dhe rrjetin e vrojtuesve të plazhit organizuar si asnjëherë tjetër!

Tragjedia e djeshme ka tronditur të madh e të vogël dhe ka krijuar një ndjenjë të rëndë shqetësimi, ndërkohë që Policia e Shtetit po merr të gjitha masat për të reaguar shumë më fort ndaj sfidës së garantimit të rendit ligjor jo vetëm në qarkullimin rrugor, po edhe atë ujor.

Vizioni i Shqipërisë turistike dhe ambicia që kjo të jetë dekada e kthimit të vendit tonë në kampionin rajonal të turizmit, lidhet edhe me rritjen e lartë të mjeteve lundruese dhe sfidën e disiplinimit të tyre, që nuk është një fjalë goje në një vend ku deri dje ato s’ekzistonin!

Shkarkimi i gjithë trupës së drejtorisë së kufirit Vlorë dhe vendosja e një fokusi të shtuar mbi qarkullimin ujor, janë hapat e duhur që do të pasohen nga hapa të tjerë, në kushtet kur rritja e përvitshme e numrit të mjeteve lundruese përbën një sfidë të vazhdueshme për të gjithë!

Sa për çetat e udhëhequra nga nongratat dhe nga ata me identitet të dyfishtë që kërkojnë ta kthejnë këtë vdekje tragjike në motiv lufte politike, kjo s’është as e para as e fundit herë kur një fatkeqësi që trondit shoqërinë, ekspozon shëmtinë e pacipë të shpirtit të tyre!

Uroj edhe njëherë që drejtësia t’i japë ndëshkimin më ekstrem fajtorit për këtë tragjedi!

Pas