Aktualitet

“Lamtumirë Maks”, reagime nga politika për ndarjen nga jeta të Maks Velos


Bëhu pjesë e Grupit Zyrtar të Opinion.al
>> KËTU <<
               Publikuar në : 18:58 - 07/05/20 |
Al Do

Ndarja nga jeta e arkitektit dhe piktorit Maks Velo ka sjellë reagimin e krerëve të institucioneve politike në vend të cilët i kanë shprehur hidhërimin e tyre.

Presidenti Ilir Meta shkruan në mesazhin e tij ngushëllues se zëri kritik i Maks Velos do t’i mungojë mungojë në veçanti mbrojtjes së interesit publik.

 

Kryeministri Rama ka reaguar me një mesazh të shkurtët. “Çfarë trishtimi. Lamtumirë Maks“, ka shkruar ai në facebook.

Kreu i Partisë Demokratike, Lulzim Basha shkruan se Maks Velo do të mbetet një nga shembujt më spikatës të disidencës antikomuniste shqiptare.

Sipas kret të PD, “Largimi i Maksit lë një boshllëk të pazëvendësueshëm në shoqërinë tonë. Por thesari artistik dhe qytetar i veprave të tij do të jetë gjithmonë frymëzim për të rinjtë dhe gur i çmuar themeli për artin modern shqiptar”.

Pasionant i lirisë, mbrojtës i të vërtetës dhe luftëtar i së drejtë” e ka quajtur kryetari i Kuvendit, Gramoz Ruçi artistin e mirënjohur.

Një reagim për ndarjen nga jeta të Maks Velos ka bërë dhe Aleanca për Teatrin, të cilës arkitekti i kishte dalë në krah gjatë betejës për mbrojtjen e mos prishjes së godinës.

Maks Velo ishte një nga mbrojtësit e parë të Teatrit dhe një nga simbolet e protestës tonë. Nuk heshte edhe kur kishte plot që donin t’i hiqnin fjalën, te Sheshi i Teatrit duket sikur gjeti qetësinë për të thënë ato që mbante kyçur në mendjen dhe shpirtin e tij prej vitesh.

Largimi i tij është një humbje e madhe për të dashurit dhe miqtë e tij. Por ajo është dhe një humbje për shoqërinë shqiptare, për mendimin e lirë, dhe për ata që nuk bëjnë kompromis me lirinë e tyre edhe kur dënohen për të! U prefsh në paqe Profesor Maksi” mbyllet postimi.

Kryebashkiaku Erion Veliaj thotë se me ndarjen nga jeta të Maks Velos, Tirana humbi qytetarët e saj më të mirë, një artist brilant, që na la si pajë vepra ikonike. “Maks Velo ishte nga ato mendje të bukura, që i dha kaq shumë arkitekturës e artit shqiptar, pikturës e letërsisë. Tirana humbi një nga qytetarët e saj më të mirë, një artist brilant, që na la si pajë vepra ikonike. Faleminderit Maks! Ngushëllime nga zemra familjes!” thotë Veliaj. /Opinion.al

Pas