Personi që shihni në foto është Dritan Meta, shefi i komisariatit të Laçit, i cili u arrestua ditën e sotme gjatë aksionit të SPAK dhe Policisë së Shtetit.
Drejtori i Policisë së Shtetit, Muhamed Rrumbullaku deklaroi para mediave se nga provat që disponojnë autoritetet, është konfirmuar se Dritan Meta ka bashkëpunuat me grupe kriminale.
Gjatë operacionit, në Fushë-Kuqe Policia ka zbarkuar në banesën dhe lokalin e Gëzim Çelës, i njohur si trafikant droge. Ai është dënuar me 20 vite burg, ndërsa është ende në kërkim nga policia.
Ndërkohë, aksioni i SPAK është shtrirë në Tiranë, Krujë, Durrës, Vlorë, Kurbin dhe Maminas, ndërsa janë kërkuar përforcime nga policia e Durrësit.
