Në një aktivitet të organizuar sot në ditëlindjen e 31 të Partisë Demokratike, ku inaugurua memoriali me firmat e themeluesve të partisë më të madhe të opozitës, Basha iu është drejtuar demokratëve të zhgënjyer dhe ka thënë se e ka prekur dëshpërimin e tyre në situatën që PD nodohet sot.
“Ne nuk harrojmë se lindëm si partia e rinisë shqiptare, jemi dhe mbetemi partia e të rinjve dhe të rejave shqiptare. Ne shohim te rinia shpresën, të ardhmen që duhet të kishte ardhur, por që u ndal prej regjimit dhe mangësive dhe gabimeve tona. Ne do të vendosim fatin e Shqipërisë Europiane. Por ne nuk mund të injorojmë, pasi përndryshe prapë do të gabojmë, atë që po ndodh me një pjesë të familjes sonë, ndaj dua t’u drejtohem demokratëve të zhgënjyer, mërzitur dhe dëshpëruar dhe tu them e njoh dhe e kam prekur dëshpërimin tuaj kur jemi takuar dhe më keni votëbesuar në prirjen në betejën për të përmbysur një qeveri që nuk ka lidhje me votën e lirë. Një betejë frontale sa vetë kauza e vetë shqiptarëve për ndryshim. Interesat e demokratëve janë më të shenja se cdo gjë dhe çdokush tjetër. Hijet e së kaluarës nuk duhet t’u turbullojë, kulti i individit nuk mund dhe nuk duhet të ngrihet më. Jam në mesin tuaj, detyra ime është, jo që përmes manipulimit, skemave dhe intrigave apo mendësisë së shkuar që mban peng vendin” tha ai.
Më tej ai iu drejtua edhe atyre që sipas tij mendojnë se PD e ka humbur rrugën e vetë që të ecin përpara.
“Të ecim para iu drejtohem edhe atyre që mendojnë se kjo parti e ka humbur rrugën e vetë dhe mund të tentojë rrugë të pashkelura”.
