Te Fundit

Ja kush janë biznesmenët që u kapën me drogë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:06 - 19/10/15 |
b.f

TIRANË- Gjykata e Krimeve të Rënda ka lënë në arrest me burg 7 personat e akuzuar për trafik droge, mes tyre dhe 3 biznesmenë. I pari doli para trupës gjykuese, biznesmeni nga Kopliku, Bejto Kotaj, i cili akuzohet se është financues i këtij trafiku. Kotaj është pronar i Pub Cheers në rrugën “Pjetër Bogdani” në Bllok. Edhe për Iqmet Pashollarin, pronarin e vilës në Durrës ku u gjet droga, gjykata caktoi masën arrest me burg. Me akuzën e financuesit të këtij grupi, doli para trupit gjykues edhe biznesmeni tjetër i vënë në pranga në këtë aksion policor, 40-vjeçari Ajet Sula nga Tirana, per te cilin gjykata vendosi arrest me burg. 39-vjeçari Festim Xhelilaj me banim në Tiranë po ashtu u la në burg. Në këtë grup ai kishte detyrën e transportit të lëndës narkotike. Gjykata dha arrest me burg edhe për Pajtim Braçajn. Ky i fundit është pronar i kompanisë së naftës ”Trade Petrol & Drilling”. Në arrest me burg u la edhe 47-vjeçari Qerim Xeka i cili sipas prokurorisë kultifonte drogën në malësinë e Krujës. Nën akuzë është edhe djali i tij 25-vjeçari Lufti Xeka te cilin gjykata e la ne burg. Të gjithë të arrestuarit akuzohen për grup të strukturuar kriminal, posedim dhe trafikim të lëndës narkotike. Hetimet janë drejtuar nga Prokuroria e Krimeve të Rënda me bashkëpunimin e tre drejtorive të Policisë, të Shkodrës, Durrësit dhe Tiranës.

 

ne foto: Bejto Kotaj

KOMENTO (0)

Shkruaj nje koment

    Pas