Aktualitet

“Kush i organizon protestat?” Binaj-Ramës:Ne s’na blen askush, në gjakun tonë…


Bëhu pjesë e Grupit Zyrtar të Opinion.al
>> KËTU <<
               Publikuar në : 18:48 - 15/03/22 |
Opi Nion

Aktori i humorit, Florian Binaj, ka qenë i pranishëm për të shtatën ditë me radhë në protestën e qytetarëve përpara kryeministrisë për rritjen e çmimeve.

Ai ka thënë se protestat janë vetëm të qytetarëve dhe jo të forcave politike, duke shtuar që kjo që po ndodh në Shqipëri nuk ka lidhje me Rusinë.

“E ka bërë qeverinë si vodka, absolute, vetëm ai. E zëmë se kemi marrë lekë nga Rusia për këto protesta, por ata që kanë ikur jashtë shtetit kush i ka sponsorizuar? Rusia? Edhe Putini ka opozitë po ky i joni as e pyet. Ftoj të gjithë kolegët e mi që të vijnë këtu te protesta. Kjo është betejë për të vërtetën. Po ushqehemi për gënjeshtër. E vërteta do të sjellë drejtësi. Ju bëj thirrje të gjithëve të marshojmë ditën e shtunë paqësisht, e të tregojmë që ne nuk na blenë askush. Në gjakun tonë do të jetë dëshira për liri, faleminderit”, tha Binaj.

Kryeministri Rama tha sot se protestat në Shqipëri kundër rritjes së çmimeve i shërbejnë Rusisë. Në një bashkëbisedim me biznesin e vogël,  Rama tha se këto protesta në vendin tonë nuk mund t’i organizonte kaq mirë as vetë Rusia./Opinion.al

 

Pas