Kryeprokurori Adriatik Llalla gjatë intervistës së të enjtes në studion e “Opinion” tha se konflikti i parë me ambasadorin amerikan, Donald Lu, ka nisur për çështjen ‘Bankers Petrolium’. Ai tha se prokuroria e Fierit nisi hetimet pas ankesave të banorëve për këtë kompani. “Në zyrën time ka ardhur një biznesmen karburantesh i cili më kërkoi të pezullohen hetimet për kompaninë kanadeze të naftës”, tha Llalla. Sipas tij, ky biznesmen e paralajmëroi se në derë do ti trokiste edhe ambasadori amerikan.
Pas kësaj deklarate të fortë të Llallës janë bërë mjaft spekulime në media, se kush mund të jetë biznesmeni që arrin ti bëjë presion Kryeprokurorit. Sipas mediave online bëhet fjalë për një biznesmen të fuqishëm që punon në fushën e hidrokarbureve, por emri i tij ende nuk është bërë publik.
Pjesë nga intervista e Llallës në Opinion
Fevziu: Jeni shprehur se ka disa arsye që lidhën me përfitimet personale, çfarë interesa personale mund të ketë një ambasador i SHBA në Tiranë?
Llalla: Nëse një ambasador do përmbushte vetëm detyrat diplomatike dhe të ikte sërish nga vendi jonë po në atë formë nuk do kishte asnjë problem. Në rastin konkret që ka qene dhe pikënisja e gjithë debateve të mia më ambasadorin Lu ka të bëjë me hetimet të Prokurorisë së Rrethit Fier të shpërthimeve të ndodhur në puset e naftës në zonën e Patoz Marinzës, ku u dëmtuan një numër i konsiderueshëm banesash dhe pati pasoja në jetë njerëzish. Rast i cili prokuroria filloi hetime për Bankers Petrolium.
Në rastin konkret një ditë më më vjen një biznesmen shqiptar karburantesh dhe më thotë që hetimi duhet të mbyllej pasi ngjarja ishte aksidentale.
Ky biznesmen me thotë që së nëse binim dakord ditën tjetër do më vinte në zyrë ambasadori.
Nuk mund të mendohej se ambasadori do të vinte pas një presioni që bëri një biznesmen shqiptar. Të nesërmen erdhi ambasadori së bashku me presidentin e Bankers Petrolium dhe tha se prokuroria duhet të pushonte hetimet, pasi në të kundërt do dëmtohej imazhi i Shqipërisë nëse biznesmenët do largohen nga vendi.
Fevziu: Ju tha biznesmeni?
Llalla:Po dhe i kam të gjitha të regjistruara.
Fevziu:Si quhet ky biznesmen?
Llalla: Është konfidenciale, por ai më kërkoi që të mos i vazhdonim hetimet për Bankers Petrolium.
