Politikë

Kush e vrau Admir Muratajn? Flet ministri i Brendshëm


               Publikuar në : 21:20 - 19/04/19 |
Opi Nion

Ministri i Punëve të Brendshëm Sandër Lleshaj ka folur përsëri në lidhje me grabitjen e ndodhur pak ditë më parë në aeroportin e Rinasit.

Lleshaj është shprehur se hetimet po vijojnë punën për arrestimin e autorëve të përshirë në këtë ngjarje.

Po ashtu ai tha se hetimet do të zbulojnë nëse Admir Murataj u vra nga shokët e tij apo nga policia gjatë shkëmbimit të zjarrit, por nuk dha një verdikt përfundimtar.

“Zërat në media është e kotë të komentohen, ose media fantazon ose media ka marrë informacione sekrete nga një dosje që është në hetim. Sa i përket dosjes nuk kam dijeni, nuk kam kompetencë të kem dijeni për dosjen. As mund t’i pohoj as ti mohoj ato që thotë media. Unë besoj se janë fantazi se kam besim tek integriteti i njerëzve që po merren me hetimin. Ka pasur një deklaratë të policisë që i mohon këto. Kam thënë që banda ka marrë një goditje shkatërruese sepse njëri nga anëtarët e saj ka mbetur i vrarë.

Është një supozim i madh që ministri i fut hundët në dosje, e para nuk më lejohet, e dyta nuk jam i interesuar, sepse nuk më intereson në nivelin edhe personal. Kureshtja ime orientohet në drejtime të tjera. Nuk mund të them se kush e ka vrarë Admir Murataj, kjo është një çështje që do të dalë nga hetimet. Nuk ka arsye që shefin e bandës ta vrasin shokët në aksion e sipër. Vrasja e tij është ende e panjohur përsakohë nuk është mbyllur hetimi. Kureshtja e madhe në këtë drejtim, i mirëkuptoj gazetarët, por kam parë një diskutim malinj në ditët e para që u munduan të rrëmojnë se kush nga policët e ka bërë këtë”, tha Lleshaj./ Opinion.al E.Xh.

Pas