Kryesore

Kurti në takim me eurodeputetët: Njohja e Kosovës nga Serbia nuk ka alternativë


Bëhu pjesë e Grupit Zyrtar të Opinion.al
>> KËTU <<
               Publikuar në : 16:16 - 16/10/21 |
Opi Nion

Kryeministri i Republikës së Kosovës, Albin Kurti priti në takim një delegacion të Parlamentit Evropian, të drejtuar nga përfaqësuesja për Kosovën, Viola von Cramon.

Në përgjigje të interesimit të eurodeputetëve sa i takon cështjes së dialogut me Serbinë, Kurti tha se njohja e pavarësisë së Kosovës nga Serbia nuk ka alternative tjetër.

Eurodpeutetët dhe  kryeministri Kurti biseduan gjithashtu lidhur me cështjen e liberalizimit të vizave, zgjedhjet lokale që mbahen të dielën si dhe  operacioni i Policisë së Kosovës në veri të vendit.

“Zgjedhjet parlamentare kanë sjellë stabilitet institucional dhe legjitimitet demokratik që ka rezultuar me rritje të besimit në institucione e për rrjedhojë edhe zhvillime tjera pozitive sikurse rritja ekonomike, rritja e të hyrave dhe e investimeve, tregues të qartë të efekteve pozitive të ndryshimeve demokratike që erdhën nga zgjedhjet e 14 shkurtit”, tha Kurti.

Lidhur me operacionin e policisë së Kosovës në veri, Kurti shpjegoi se ishte operacion normal dhe i nevojshëm, kundrejt gjithë procedurave ligjore.

“Ky ishte një operacion normal  dhe i nevojshëm i policisë, e cila ka kryer punën në mënyrë profesionale dhe sipas procedurave ligjore”, tha ai./Opinion.al

Pas