Kryeministri në detyrë i Kosovës Albin Kurti dhe kreu i LDK-së, Isa Mustafa kanë përfunduar takimet e tyre me Presidentin e Kosovës, Hashim Thaçi.
Kurti ka thënë se fillimisht kanë biseduar rreth situatës me Koronavirusin dhe pastaj për atë institucionale, njofton Klan Kosova.
“Vazhduam për situatën aktuale institucionale me ç’rast pyetjeve dhe përpjekjeve të Presidentit që ne të flasim për mundësitë për Qeveri dhe kandidatura të reja u jemi përgjigjur me qëndrimin tonë që është i drejti dhe i vetmi në bazë të Kushtetutës. Nuk mund të kapërcejmë diku tjetër duke mohuar nenin 82 pika 2 të Kushtetutës së Republikës së Kosovës, që thotë se pas një mocionit të mosbesimit ajo çfarë ngelet është të shkohet në zgjedhje të reja. Jemi të bindur se Kushtetuta nuk krijon mundësinë në kontekstin aktual politik që të kemi qeveri të re ka kuvend të ri pra pa zgjedhje të reja. Presidenti u zotua se do ta respektoj Kushtetutën, ligjin dhe praktikat e mëhershme”, tha Kurti.
Ndërsa kryetari i LDK-së, Isa Mustafa, ka thënë se në takimin me presidentin e vendit u diksutua për daljen nga kjo situatë pas mocionit të votëbesimit ndaj qeverisë Kurti.
Mustafa tha se partia e tij vlerëson se nuk është koha të shkohet në zgjedhje.
“Ne si LDK vlerësojmë që nuk është koha të shkohet në zgjedhje të përgjithshme, për shkak të situatës me pandeminë e koronavirust. Jemi të bindur që edhe zgjedhjet në këtë periudhë, nuk do na sjellin në situatë tjetër jashtë asaj që sot jemi”.
Liderët e të dy partive politike më të mëdha në Kosovë iu referuan praktikave kushtetuese të viteve të shkuara për të argumentuar tezën e tyre pro ose kundër zgjedhjeve.
Kurti ka tha se në rastet e kaluara më 2010 dhe 2017 kur ka pasur mocionin të suksesshëm mosbesimi vendi ka shkruar drejt zgjedhjeve.
“Presidenti nuk do të duhej të merrej me emra njerëzisht e partish por me data për zgjedhje të reja këtë vit. E dimë që ndodhemi në betejën kundër Koronavirusit dhe mbase kjo mund ta shtyjë datën e zgjedhjeve, mirëpo Kushtetua besojmë që nuk krijon mundësi apo alternativa të tjera”.
Ndërsa Mustafa iu referua aktgjykimit të vitit 2014.
“Ne jemi që të bëhet nje qeveri e re, në bazë të Kushtetutës e aktgjykimit të vitit 2014. Kjo Qeveri do të kishte detyrë që me kapacitete të plota të angazhohej në zotërimin e të gjitha aktiviteteve, në luftën kundër koronavirusit”, tha ai. /Opinion.al
