Kreu i PD, Sali Berisha i pyetur në konferencën e sotme nga gazetarët se kur do të nisin protestat opozitare pas thirrjes që ai ka bërë tha se PD është e vonuar pasi grupet dhe qytetarët janë gati.
Ai theksoi se zemrat e njerëzve po ziejnë, teksa u shpreh se grupet e qytetarëve, anëtarësia, grupet e interesit janë të gjithë para nesh.
“Jam i vonuar në artikulimin tim pasi zemrat e njerëzve po ziejnë. Lëvizjet janë interesante nganjëherë u prin nganjëherë të prijnë ato. Kërkesa për protesta janë universale dhe PD është e vonuar. I kemi grupet qytetarët anëtarësinë, grupet e interesit janë të gjithë para nesh dhe do të zbatojmë dhe do të jemi në lartësinë e vendimeve tona ndaj tyre”.
