Derisa rritemi, truri ynë qëndron vetëm tek lidhjet nervore më të përdorura. Prandaj, zëri i nënës dhe babait janë thelbësor për psikikën tonë janë zëri ynë i brendshëm.
Prandaj, këtu janë pesë fraza që nuk duhet t’i thoni kurrë fëmijës suaj, sepse mund të dëmtoni personalitetin e tyre në të ardhmen.
Ndalu menjëherë, mos qaj më!
Shpesh, kur një fëmijë e di se do të dënohet, fillon të qajë. Zakonisht, fëmijët qajnë shumë lehtë sepse janë të pafajshëm dhe nuk dinë ndonjë arsye të rëndësishme për t’u trishtuar.
Përveç kësaj, ata nuk kanë mësuar se si të mbajnë ndjenjat e tyre dhe kjo është logjike, transmeton lajmi.net
Është në rregull që fëmijët të qajnë dhe të shprehin emocionet e tyre. Nuk duhet ta pengoni fëmijën tuaj ta bëjë këtë. Ju mund t’i tregoni atyre, në vend të kësaj, që ju i kuptoni se si ndihen dhe se është në rregull që ta shprehin atë. Ju më vonë mund t’u shpjegoni atyre se pse ajo që bënë ata ishte e gabuar.
Ti je i pavlerë!
Seriozisht, nuk ka gjë më të rëndë për një fëmijë se sa t’i thotë prindi i tij se nuk vlen. Ju do t’i bëni ata të ndihen të pasigurt, të pafuqishëm dhe të pavlerë.
Edhe pse ndonjëherë është e vështirë për ju që ta mbani kontrollin, duhet të keni parasysh se fëmijët gjithnjë mendojnë se ju dini të keni durim dhe të kujdeseni për lumturinë e tyre.
Ti je më i miri / më i zgjuari / më i bukuri etj.
Kjo është situata e kundërt. Ju përpiqeni të bëni më të mirën tuaj për të rritur besimin e fëmijës suaj, dhe ju përfundoni duke i gënjyer ata. Pse? Mos harroni se duhet të jeni të ndershëm me fëmijët tuaj, të ëmbël dhe të butë.
Ndonëse e vërteta lëndon, sidomos kur ata janë ende të rinj dhe të pafajshëm, duhet të keni parasysh se të gjitha qeniet njerëzore kanë defekte, dhe këtë duhet ta mësojnë prej jush. Kjo do t’i ndihmojë ata të bëhen më të pjekur, të pranojnë dështimin dhe të ndjekin suksesin ku dhe kur të munden.
Është budallallëk që të frikësohesh!
Nuk është budallallëk të frikësohet fëmija, sidomos kur është në moshën pesë vjeç. Lejoni fëmijën tuaj të deklarojë se si ndihet, edhe nëse frika e tyre nuk ka kuptim për ju.
Mos harroni se frika nuk është domosdoshmërisht e keqe pasi që ndonjëherë ju ndihmon t’i shmangeni situatave të rrezikshme. Gjëja më e mirë për t’i thënë fëmijës që frikësohet është se ju e kuptoni dhe besoni në të.
Unë jam i zhgënjyer me ty!
Prindërit jo rrallë ju thonë këtë fëmijëve të tyre, kur ata tashmë ndjehen fajtorë. Është e gabuar t’i bëni fëmijët tuaj përgjegjës për zhgënjimin tuaj personal. Para së gjithash, mos harroni se fëmija juaj nuk është atje për t’ju bërë të lumtur dhe për të përmbushur ëndrrat dhe qëllimet tuaja individuale.
Ju jeni modeli i tyre më i mirë për t’u ndjekur dhe ju duhet t’i ndihmoni ata të bëhen më mirë në çdo aspekt të jetës së tyre. Por jo duke i bërë ata të ndjejnë keqardhje me veten e tyre. Ju duhet t’i mësoni atyre se cila është gjëja më e duhur për të bërë. Bisedoni me ta, jini të ndershëm dhe të mirë.
