Aktualitet

Kuçovë/ 112-vjeçarja me shëndet të plotë çregjistrohet nga gjendja civile


Bëhu pjesë e Grupit Zyrtar të Opinion.al
>> KËTU <<
               Publikuar në : 17:33 - 28/02/21 |
Doriana Çepunaj

Qamile Marra, një grua 112-vjeçe edhe pse gëzon shëndet të mirë, çuditërisht prej disa vitesh është çregjistruar nga regjistri i gjendjes civile.

Qamile Marra ka lindur në 19 Gusht 1909 dhe jeton në fshatin Ferras të Njësisë Administrative Kozare në qytetin e Kuçovës që prej ditës kur është martuar e deri më sot.

Ajo gëzon shëndet të mirë dhe vazhdon ende të bëj punët e shtëpisë e të kujdeset për kopshtin e gjënë e gjallë.

Nënë Qamilja në një intrevistë për Neës 24 ka rrëfyer për jetën e saj. Ajo e fillon nga martesa, shpërngulja nga shtëpia e saj e parë pas përmbytjeve që shkaktoi lumi Devoll në këtë zonë në kohën e komunizmit e deri tek lindja e fëmijëve, duke u shprehur “krenare” që ka rritur e vetme 6 fëmijë dhe 6 nipër e mbesa.

E pyetur në lidhje me pandeminë që ka rënë në vend prej 1 viti, ajo shprehet se nuk ka frikë nga koronavirusi. “Jeta është e shkruar nga Zoti, ka rënë kjo kolera dhe të gjithë janë trembur për jetën, por ne jemi kurbanë të perëndisë”, shprehet ajo.

Djali i saj Hesen Marra, me të cilin jeton nënë Qamilja, tregon nëna e tij çuditërisht prej disa vitesh është çregjistruar nga regjistri i gjendjes civile dhe kjo ka ndodhur pa i njoftuar familjarët.

Hyseni flet edhe për vështirësitë ekonomike që kalon familja e tij. “Me të ardhurat që sigurojmë e kam tejet të vështirë mbajtjen e familjes dhe pagesat e detyrimeve në shtet. Kurse prodhimet e tokës, ku kam mbjellë edhe disa pemë frutore, nuk më sigurojnë asnjë fitim përveçse humbje, kjo për shkak të mungesës së tregut”, shprehet Qamil Marra./Opinion.al

Pas