Bota

Kryeministri i ri i Britanisë, 10 kandidatë në garë


               Publikuar në : 20:14 - 10/06/19 |
el ida

Komiteti i Partisë Konservatore në Mbretërinë e Bashkuar bëri me dije se dhjetë kandidatë do të garojnë për postin e kryetarit të partisë dhe rrjedhimisht të kryeministrit.

Kryeminstri i Mbretërisë së Bashkuar bëhet automatikisht udhëheqësi i partisë më të madhe në Parlamentin britanik, që në këtë rast është Partia Konservatore.

Në garë përfshihet ish-ministrii i Jashtëm, Boris Johnson, pasardhësi i tij, Jeremy Hunt, ministri i Mjedisit, Michael Gove, ish-ministri për Brexit Dominic Raab, ministri i Shëndetësisë, Matt Hancock, dhe ministri i Brendshëm, Sajid Javid, ministri i Zhvillimit Ndërkombëtar, Rory Stewart, ish-ministrja e Punës, Esther McVey, ish-kryetarja e Parlamentit, Andrea Leadsom, dhe ligjvënësi konservator, Mark Harper.

Rrethi i parë i votimeve në mesin e ligjvënësve konservatorë do të mbahet të enjten, ndërkohë që ish-kryetarja Theresa May, dha dorëheqjen javën e kaluar, por do të mbetet në krye të qeverisë, derisa të zgjidhet kryeministri i ri./Opinion.al

 

 

Pas