Nga prof.Artan Fuga
Ai u deklaroi sinqerisht disa mësueseve në zyrat e veta se na kërkon falje për dëmet që politika shkakton për arsimin.
I jap shumë të drejtë. Edhe reformën në Akademinë e Shkencave politika me ministren e arsimit e ka uzurpuar dhe futur në rrugë qorre politizimi duke i trajtuar akademikët si qenie pa vlerë dhe të paaftë për të bërë një reformë. U ka marrë krejt iniciativën.
Politika e ka penguar dhe dëmtuar shumë arsimin. Madje edhe shkencën. Historikisht. Po, edhe Ai vetë sikurse deklaron, na ka penguar, të enjteve po se po, por po na pengon edhe ditëve të tjera. Edhe politikanë të ndryshëm na dëmtojnë edhe ministrja edhe zëvendësiministrat edhe agjencitë e politizuara të tyre.
Madje këta na dëmtojnë edhe kur flenë sepse pasojat e ditës vazhdojnë edhe natën e rifillojnë të nesërmen në mëngjes.
Ka nevojë për një raport observimesh për gjendjen në kulturë, arsim, shkencë.
Aty do ta shohi hapur, sinqerisht dhe me objektivitet se në çfarë derexheje është arsimi dhe shkenca!
Përndryshe sistemi mbyllet në autizëm dhe vartësit i thonë ato që ai dëshiron të dëgjojë.
Dikush duhet ta mbajë përgjegjësinë për gjendjen e krijuar. .
Atij vartësit ja fshehin gjendjen katastrofë dhe ne nga ana tjetër po ata vartës na e bëjnë me sy duke na dhënë mesazhin se sillen ashtu sepse nuk kanë çfarë t’i bëjnë Atij.
E kuptoni vetë ju – lënë të nënkuptohet!
Duan t’ja fusin prapa krahëve – si thoshim dikur në shkollë të mesme!
Mirë thotë na kanë penguar, por Ai nuk ka sesi ta marri me mend e ta dijë se në çfarë shkalle na kanë penguar.
—————
Në fjalën e tij Rama i ka kërkuar falje të gjithë mësuesve :
“Sot t’ju kërkoj ndjesë ju dhe të gjithë mësuesve të Shqipërisë, të thellë e të vërtetë për faktin që unë dhe rraca ime e politikanëve sidomos atyre që çdo të enjte zhvillojnë mësim në kuvendin e Shqipërisë nuk ju ndihmojmë në kryerjen e misionit tuaj thelbësor për të përgatitur njerëz të ditur por edhe për të edukuar qytetarë të mirë. Jo vetëm s’dju ndihmojmë por akoma më keq ju pengojmë cdo të enjte rregullisht. Edhe ditët e tjera por sidomos të enjteve. Shfaqja e të enjtes rrëzon të gjitha fjalët që ne mund të themi gjatë javës në raport me virtytet e dhuntite e mira. Sidoqoftë duke qenë në këtë detyrë kam mundësinë e madhe që në ditët e tjera të javës përvec të enjtes të laj me sa më shumë punë e kontribut në mbështetjen tuaj mëkatet e ditës së enjte. Dhe besoj që në raport me ju ne kemi shumë ende për të bërë, kemi shumë më tepër detyrime se të drejta për të thënë sa kemi bërë por me cdokënd prej jush që udhëhiqet nga arsyeja është e qartë se kemi bërë jo pak në funskion të krijimit të kushteve për arsim dinjitoz”, tha Rama.
