Kryesore

Kryemadhi-Ramës: Tregoju shqiptarëve pse taksat qendrore dhe vendore janë rritur



Bëhu pjesë e Grupit Zyrtar të Opinion.al
>> KËTU <<
               Publikuar në : 18:17 - 23/07/22 |
Opi Nion

Kryetarja e Lëvizjes Socialiste për Integrim, Monika Kryemadhi ka reaguar në lidhje me kritikat që kryeministri Edi Rama u bëri Drejtorive të Ujësjellësve në vend, për detyrimet e papaguara.

Në një postimi në rrjetin social “Facebook”, Kryemadhi i cilëson qëndrimet e Ramës gjatë takimit me kryebashkiakët si një aktrim për të fshehur rritjen e çmimit të ujit.

Ndër të tjera, Kryemadhi fton kryeministrin që tu tregojë shqiptarëve arsyen se pse taksat vendore dhe qendrore janë rritur.

Kryebashkiakët në riedukim mund ta pyesin kryeministrin Rama, ku ishte ai, gjatë viteve, që Agjencia Kombëtare e Ujësjellës Kanalizime dhe Infrastrukturës së Mbetjeve, jepte grante dhe financime bashkive, pa patur buxhet, për projekte të cilat fundosën 61 njësitë vendore në borxhe dhe në prag falimentimi?

Kryeministri që i bie tavolinave duke aktruar, t’i tregojë shqiptarëve arsyen e vërtetë pse taksat vendore e qendrore janë rritur! Ai e di mirë pse çmimi i ujit të pijshëm është rritur. T’i tregojë kryeministri arsyen e vërtetë të reformës së ujit, e sa lidhje ka kjo me debitë e bashkive për projektet pa buxhet të Ujësjellës Kanalizimeve. Këto projekte nuk mund të merrnin jetë pa miratimin e qeverisë, e kryeministri e di, si është renditja e kreditorëve ndaj të cilëve shteti ka borxhe në shifra marramendëse! Le t’i bëjë publike! Nuk ka sfidë më të mirë se transparenca…”,-shkruan Kryemadhi./Opinion.al

Pas