Kryetarja e LSI-së Monika Kryemadhi ka reaguar ashpër nëpërmjet një statusi në facebook duke akuzuar qeverinë Rama për kapjen e Prokurorisë.
Ajo deklaron se Rama ka vendosur duart tek i vetmi institucion që e mbante atë nënkontroll, Prokuroria.
Për këtë Kyremadhi ka bërë të ditur se LSI dhe opozita do nisë protestën dhe revoltën për të rrëzuar qenërinë.
“Në këtë vend nuk ka më drejtësi!
Edi Rama vendosi duart e tij të përgjakura me krim, edhe tek i vetmi institucion që nuk e kishte nën kontroll. Kapja e prokurorisë nga krimi dhe banditët e pushtetit shënon fundin e shtetit dhe demokracisë.
Kjo është dita më e errët në historinë e demokracisë shqiptare!
Kurrë më parë pushtetet nuk kanë qenë në duart e një njeriu të vetëm, të një pushteti bandit që drejtohet nga kryetrafikanti i drogës, shefi i drejtpërdrejtë i Saimir Tahirit dhe policëve të inkriminuar, që me përpjekjen e fundit po dëshmon frikën për t’i shpëtuar drejtësisë.
Sot më shumë se kurrë është detyrë e jona, e politikës së papërlyer me krimin, e qytetarëve që ende besojnë te vlerat e demokracisë të rrëzojmë nga pushteti këtë klikë kriminale.
Të protestojmë për të larguar banditët nga pushteti. Revolta e protestës qytetare është arma që mund të rrëzojë nga karriget banditët e veshur me pushtet.
Asgjë dhe askush nuk mund ta ndalë këtë revoltë. As paratë e krimit, as pazaret dhe kulisat nuk e shpëtjnë dot më Edi Ramen nga fundi i paralajmëruar që do ti vijë nga qytetarët e ndershëm të këtij vendi”, shkruan Kryemadhi.
Kujtojmë që Partia Demokratike dhe Lëvizja Socialiste për Integrim do të mbajën të hënën një protestë para Kuvendit.
Mësohet se vendimi do të merret sot në mbledhjen e grupit parlamentar të Partisë Demokratike.
Ndërsa LSI do të mbledhje nesër në orën 11:00 Komitetin Drejtues Kombëtar për organizimin e protestës së ditës së hënë.
Protesta para Parlamentit do të mbahet në momentin kur do të zgjidhet Prokurori i Përgjithshëm i Përkohshëm.
