Aktualitet

Kryemadhi: Hyrja me dy lista me PD, s’është ndarje por maksimalizim votash


Bëhu pjesë e Grupit Zyrtar të Opinion.al
>> KËTU <<
               Publikuar në : 14:18 - 26/02/21 |
Doriana Çepunaj

Kryetarja e Lëvizjes Socialiste për Integrim, Monika Kryemadhi ka folur këtë të premte lidhur me strategjinë e opozitës për të dalë në zgjedhje me dy lista. Sipas saj, kjo nuk është një ndarje por taktikë për maksimalizimin e votave.

“Ky është një maksimizim vote, nuk është ndarje. Përkundrazi është një bashkim. Është bashkim identitetesh. Pra, bashkohen sot të gjitha strukturat dhe bindjet politike në një front, i cili tashmë fillon dhe formalizohet nëpërmjet listave të Partisë Demokratike me aleatët e saj, lista e Lëvizjes Socialiste për Integrim me identitete dhe personalitete që i përfshihen kësaj liste për të ecur dhe për të zhvilluar 58 ditët e fundit të fushatës zgjedhore, që na ndajnë nga 25 prilli.  Ka mbaruar koha që njerëzit duan të përfitojnë në kurriz të logos së partisë politike, në kurriz të logos së koalicionit. Sot njerëzit duhet të shkojnë të përfaqësojnë vlerat e tyre”, tha Kryemadhi në një intervistë në A2.

Më tej, Kryemadhi foli për programet edy forcave politike. Sipas saj ndryshon vetëm metodologjia por në fakt programet janë e njëjta gjë.

“Në thelb janë të njëjta. Patjetër që do të harmonizohen dhe që është punuar, dhe shumë shpejt do të njiheni me to.  Ne nuk ndahemi në asnjë pikë me Partinë Demokratike, ne kemi një pikë të përbashkët: largimin e Edi Ramës, rikthimin e normalitetit, rikthimin e sundimit të ligjit, rikthimin e një klime biznesi të favorshme për të thithur dhe ftuar edhe investitorët vendas dhe të huaj, rikthimin e të rinjve dhe të rejave në Shqipëri, krijimin e vendeve të punës me paga të mirë paguara, rritjen e pensioneve, rritjen e pagave, rritjen e investimeve. Po ti shikoni programet tona janë pak a shumë e njëjta gjë, pavarësisht metodologjisë se si thuhen, janë e njëjta gjë”, tha Kryemadhi./Opinion.al

Pas