Kryetarja e LSI-së Monika Kryemadhi është shprehur lidhur thirrje e bërë nga Presidenti Meta që ministrja e Drejtësisë Etilda Gjonaj të dorëhiqej pasi kishte shkelur procedurat për emërimet në Gjykatën Kushtetuese dhe se do te depozitonte një kallezim për të. Ajo ka konfirmuar lidhjen familjare mes Gjonaj dhe Metës dhe krahas saj është shprehur.
“Sot e kësaj dite akoma nuk kemi një përgjigje nga ministrja jonë bukuroshe që sa për dijeni të shqiptarëve ka lidhje familjare me presidentin e Republikës. Akoma s’ka kthyer përgjigje se pse ka falsifikuar protokollin e ministrisë. Për mua moralisht Arta Vorpsi është një ngelëse ku çdo gjimnazisti s’i jepet diploma se ka ngelur në provim. Ndërton jetën dhe të ardhmen e saj mbi fatin e fëmijëve të shqiptarëve. Siç ka vjedhur protokollin, ashtu ka vjedhur edhe pronat e shqiptarëve.
Siç merr guximin një halabake rrugësh për të falsifikuar protokollin e shtetit, që është i shenjtë, kjo dhe bandat e saj, mos u çudisni, ju kanë vjedhur pronat e shqiptarëve, paratë e të persekutuarve politikë, ky person nuk e ka problem, siç falsifikoi procesverbalin e Lazer Saitit, po kështu kjo falsifikon provat e vrasësve dhe kriminalëve, iu heq shenjat e gishtërinjve të atyre dhe vendos shenjat e gishtërinjve të qytetarëve të thjeshtë. Kjo halabake e shtetit shqiptar, më falni për gjuhën, por kur arrin guximi të falsifikojë të drejtën e Presidentit, mendoni çfarë mund të bëjë ajo ndaj qytetarëve, me fatin dhe jetën e tyre,”- përfundoi Kryemadhi./Opinion.al
