Tre fëmijë mbeten jetimë në Kuçovë, pasi babai vrau me thikë nënën e tyre pas mesnate. Autori është dorëzuar në polici, ndërsa familjarët kanë strehuar tre fëmijët të cilët përpos varfërisë tani kanë mbetur pa nënë, dhe me babanë në burg.
Familjarët kanë rrëfyer se problemi kryesor në familjen e Ruzhdi Luzit dhe bashkëshortes së ndjerë Manjola ka qenë varfëria. Edhe pse autori nuk ka folur ende para hetuesve për rrethanat dhe shkaqet që e çuan drejt aktit të rëndë, familjarët besojnë se ata kishin grindje pasi jetonin në kushte të këqija. “Të dy ishin pa punë dhe e vetmja mënyrë për tu ushqyer ishte vjelja e ullinjve në vjeshtë”, tha një e afërme.
Ngjarja ka ndodhur rreth orës 01:00 në fshatin Drizë të Kuçovës, ku Rruzhdi Luzi 57 vjeç vrau me thikën e bukës, gruan e tij 49-vjeçare Manjola Luzi. Mësohet se tre fëmijët e çiftit ndodheshin në shtëpi kur ka ndodhur ngjarja e rëndë. Autori ka njoftuar vetë policinë se kishte vrarë të shoqen. /Opinion.al
