Stanley Plotkin është pagëzuar si babai i vaksinës. Ai ka punaur për vaksinën e antraksit, poliomelitit, rotavirusit, tërbimit dhe në në vitet ‘60, Plotkin shpiku vaksinën e rubeolës çka ndihmoi në zhdukjen e sëmundjes në SHBA. Ai tashmë është duke punuar dhe duke ndihmuar në luftën kundër një armiku tjetër COVID-19.
Plotkin, pediatër dhe vaksinologjist është duke u marr si konsulent edhe në zhvillimin e vaksinës kundër pandemisë së koronavirusit.
CNBC arriti ta intervistojë studiuesin e njohur në oborrin e shtëpisë së tij në Florida.
Rubeola, e njohur ndryshe si fruthi gjerman, ishte një sëmundje me simptoma të lehta tek të rriturit, por nëse prekte gratë shtatzëna ajo shkaktonte dëmtime të fëmijëve. Në vitet ’60 një epdiemi e rubeolës shpërtheu në SHBA dhe Europë duke lënë 12,000 mijë fëmijë pa shikim, pa dëgjim ose pa të dyja bashkë”, kjo sipas të dhënave në Institutin Wistar, në bashkëpunim me të cilin Plotkin shpiku vaksinën e cila tashmë është në pjesën e tre vaksinave që bëhen tek fëmijët në të gjithë botën: MMR (fruthi, shyta dhe rubeola).
Ndërsa flet mbi ndryshimet mes rubeolës dhe koronavirusit, Plotkin thotë se ndonëse i prekte të gjitha shtresat e popullatës rubeola ishte më e rrezikshme tek gratë shtatzëna dhe sikurse thotë ai, asokohe 1% e grave shtatzëna u prekën nga rubeola. “Sot janë të gjithë shqetësuar sepse koronavirusi infekton këdo, ai është veçanërisht vdekjeprurës për të moshuarit. Pyetja është nëse ne mund ta ndalojmë epideminë siç ndodhi në Kinë? Shoqëritë tona nuk janë si ajo kineze ndaj mbetet për t’u parë. Unë mendoj se distancimi social është i duhuri për të ndaluar korornavirusin dhe për të ulur numrin e të infektuarve. Nëse ne nuk izolohemi atëherë ndoshta 70% apo 80% e popullatës do të infektohet”, ka thënë Plotkin.
I pyetur se si ai ka arritur të zhvillojë një vaksinë, shkencëtari u përgjigj:
“Punova shumë për vaksinën e poliomelitit dhe mësova se si ta dobësoj një virus. Kur nxora projektin për vaksinën e rubeolës në thelb qëllimi ishte dobësimi i virusit dhe imunizimi i popullatës përmes tij, pa shkaktuar problemet që ai shkakton natyralisht.
Ndryshimi i madh që ekziston sot me 40 vite më parë është se ne sot kemi shumë mënyra të zhvillimit të vaksinës. Në ato kohë kishte relativisht pak mënyra për të zhvilluar një vaksinë dhe ekzistonin tre apo katër projekte. Unë kam shpresa të konsiderueshme për vaksinën e koronavusit, por njerëzit duhet të kuptojnë se nuk është si në filma, që ajo mund të zhvillohet për një natë. Do të marri të paktën një vit, përpara se të kemi një vaksinë dhe nëse gjithçka do të shkojë mirë.
Në vitet ’60 ne mund ta vrisnim një agjent dhe të përdornim materialin e vrarë. Por sot ne kemi mënyra të përdorimit të acidit nukleik ADN dhe ARN, konstruksione të virusit. Ne mund të përdorim proteinat. Ne mund të përdorim vektorë, viruse që mbajnë pjesë të një virusi tjetër për të imunizuar popullatën. Ka gjithashtu teknika që lejojnë përdorimin e proteinave që nuk janë ekzaktësisht sit ë virusit natyral, por që mundësojnë imunizimin e popullatës. Ndaj them se nga 40 përpjekje që ekzistojnë për vaksinën, 6-10 të tilla po zhvillohen me metodat që folëm dhe dy prej tyre janë në fazën e testeve klinike.
I pyetur se si ndikojnë politikat në krijimin e vaksinës, Plotkin tha:
Ka një gjë thelbësore për zhvillimin e vaksinës. Mesatarisht duhet gjysmë miliardë dollarë për zhvillimin dhe prodhimin e një vaksine. Kjo përfshin fazën e parë, testimet klinike dhe fazën e efikasitetit ku vaksinohen mijëra njerëz dhe ndiqet efiçenca. Kompanitë farmaceutike sigurisht që i shpenzojnë këto para që të zhvillojnë vaksinën, por duhen vite deri në përfundimin e procesit. Me koronavirusin shkencëtarët janë duke i përshpejtuar gjërat dhe për ta bërë në një rrugë sa më ekonomike, por megjithatë krijimi i një vaksine për të imunizuar secilin do të jetë një investim i madh.
Lidhur me informcionet që ekzistojnë disa shtame dhe rrezikun qe të kthehet në një virus stinor, Plotkin u shpreh:
Informacionet janë ende kontradiktore. Jo të gjithë e pranojnë idenë e disa shtameve. Mbetet për t’u parë. Ka 4 lloje te koronavirusit respirator që janë zbuluar vite më parë, që shkaktojnë ftohjen e zakonshme dhe kthehen çdo vit. A do të ndodhë e njëjta gje me COVID-19? Mbetet për t’u parë./Opinion.al
