Aktualitet

Krifca, vlerësohet me çmim mirënjohjeje për zhvillimin rural në Shqipëri


Bëhu pjesë e Grupit Zyrtar të Opinion.al
>> KËTU <<
               Publikuar në : 17:04 - 21/01/22 |
Opi Nion

Ministrja e Bujqësisë dhe Zhvillimit Rural, Frida Krifca, u ftua në skenën e TKOB mbrëmjen e së enjtes, në eventin e madh të 125-vjetorit të themelimit të Dhomës së Tregtisë e Industrisë, për të marrë një vlerësim mirënjohjeje për kontributin e saj në zhvillimin rural dhe atë të bujqësisë, në vitet si Drejtore e AZHBR-së. E ftuar në skenë nga Kryetari i Dhomës së Tregtisë dhe Industrisë, Nikolin Jaka, Krifca u shpreh: “Ishte një surprizë shumë e bukur. Kur më erdhi ftesa, isha e dyzuar nëse duhet ta pranojë këtë vlerësim në rolin e ministres , ndaj doja ta thyeja protokollin dhe do të ftoja të gjithë ekipin e AZHBR-së dhe drejtuesen e agjencisë, Eranda Selmanaj, sepse puna që është kryer në këto katër vite ka qenë një punë ekipi”.  Sipas Krifcës, marrja e një çmimi vlerësimi për angazhimin dhe përpjekjet katërvjeçare si drejtuese e AZHBR-së, me qëllim  zhvillimin dhe modernizimin e vazhdueshëm të zonave rurale dhe të bujqësisë është emocionuese, sidomos kur jepet në një moment si ky i 125-vjetorit të themelimit të Dhomës së Tregtisë.  Më tej ministrja e Bujqësisë dhe Zhvillimit Rural theksoi se është kënaqësi e dyfishtë që pa të vlerësoheshin gjithashtu miq e bashkëpunëtorë, me të cilët kanë kapërcyer sfida e realizuar projekte të mëdha , duke iu referuar përfaqësuesve të bizneseve më me emër në tregun mbarëkombëtar, të cilët morën cmime për kontributin dhe arritjet e tyre. 

Shumë nga të ftuarit në sallë i kemi tashmë bashkëpunëtorë e jemi rritur bashkë. Po bëja disa kalkulime të shifrave për të cilat kemi kontribuar së bashku gjatë këtyre katër viteve të mia në këtë detyrë.  Sot kemi rreth 600 biznese të mbështetura, me një shumë prej 200 milionë euro investime të bëra për zhvillimin rural, bujqësi, në turizëm rural vetëm gjatë kësaj periudhe, në një sektor sigurisht të vështirë . Rreth 40 për qind e tyre janë biznese të reja, pra nuk do të kishin ekzistuar nëse nuk do të ishin mbështetur. Dhe unë i përkas një qeverie që e shikon mbështetjen ndaj biznesit si një domosdoshmëri për zhvillimin e vendit”. Krifca tha se puna do të vazhdojë për rritjen e strandardeve dhe eksporteve, përmes investimeve në biznes, agroturizëm e bujqësi, përafrimit të vazhdueshëm me standardet europiane, rritjet së cilësisë e garancisë së produkteve shqiptare e të eksportit të produkteve shqiptare… Pavaresisht sfidave e vështirësive, ne do të ecim përpara, me më shumë energji”. 

Në fund të fjalës së saj Krifca ftoi bizneset që të bashkohen në investimin në bujqësi sepse është një sektor i rëndësishëm, me përparim të madh për vendin.

 

Pas