Kreu i Grupit Parlamentar të Partisë Demokratike, Gazment Bardhi ka reaguar pasi kreu i Prokurimeve Publike, Jonaid Myzyri u paraqit mëngjesin e sotëm në Prokurorinë e Posaçme.
Përmes një postimi në rrjete sociale, teksa ka thënë se SPAK po u troket në derë, Bardhi theksoi se Jonaid Myzyri është financues i fushatës së Ballukut dhe blerjes së votave.
“Belinda Balluku po bën ç’mos që të imponojë rizgjedhjen e Jonaid Myzyrit në krye të Komisionit të Prokurimeve Publike pas dy muajsh dhe pse Myzyrit i përfundon mandati në korrik.
Jonaid Myzyri është i implikuar jo vetëm me favorizimet multimilionëshe të Alko-Impex të cilat po hetoen nga SPAK por ai është dhe tërthorazi financues i fushatës së Ballukut dhe blerjes së votave pasi firmos fitoren e kompanive të sugjeruara nga Balluku që më pas këto kompani të punojnë në Fier për blerje votash. Por harrojnë që nuk kanë kohë e mundësi, SPAK po u troket në derë!“, shkruan Bardhi.
