Kryetari i Partisë Demokratike, Sali Berisha deklaroi ditën e sotme nga Strasburg se nëse PD vjen në pushtet, toleranca do të jetë zero ndaj krimit.
Në një mbledhje të grupit parlamentar të Partive Popullore Europiane, në Strasburg, ku ishte i ftuar, Berisha tha se Shqipëria po del në botë si një shtet me kartele droge dhe krim të organizuar.
Berisha nënvizoi më tej se Edi Rama ka përdorur krimin për të mbajtur pushtetin, duke theksuar se vrasësit dhe trafikantët janë të gjithë të përfshirë në procesin zgjedhor dhe mbjellin frikë e terror tek qytetarët.
Për këtë arsye, Berisha deklaroi në mbledhje se çfarëdo ndihme që mund të japë ky institucion, do të ishin shumë mirënjohës.
“Zonja dhe zotërinj, Shqipëria po del si një shtet me kartele droge dhe krim të organizuar.
Kryeministri shqiptar vetë priti në zyrën e tij një koordinator të gjithë këtyre organizatave kriminale dhe emri i tij është shumë i njohur.
Vetë ai, zoti Rama i takoi ata në Aruba, në Dubai. Emri i zotit Rama citohet në media si i lidhur me ta. Rama u ofron atyre, ata kontrollojnë të gjitha lejet e ndërtimit në vend. Kush vjen në Tiranë mund të shohë shumë kulla teksa ngrihen. Por gazetarët investigativë kanë zbuluar se vetëm 20 përqind e parave vijnë nga sistemi bankar, të tjerat vijnë nga nëntoka.
Vrasësit, trafikantët, vrasësit seriale bëjnë ligjin në zgjedhje. Ata janë të gjithë të përfshirë në procesin zgjedhor dhe mbjellin frikë dhe terror tek qytetarët.
Agjencitë ndërkombëtare të zbatimit të ligjit nga Franca, Holanda, Belgjika kanë zbuluar kodet e SKY EÇ, Matrix, EncroChat, janë telefona të koduar, me të cilët gangsterët në Europë dhe botë komunikojnë me njëri-tjetrin.
Gjuha e dytë më e përdorur ishte gjuha shqiptare. Përqendrimi më i madh i këtyre telefonave ishte godina e kryeministrisë dhe vetë Edi Rama përdorte 3 prej tyre.
Këto agjenci sollën 1 milion paqe të transkriptuara. Këto transkriptime trajtojnë përfshirjen e tyre të thellë në zgjedhje, por në Shqipëri, krimi elektoral është amnistuar.
Drejtësia politike e kontrolluar nga Edi Rama nuk merret me këtë krim. Kështu që këto zgjedhje janë një proces me një makinerie të madhe blerjesh votash dhe një makineri të madhe frike që kontrollon vullnetin e popullit.
Gjatë këtyre javëve, kryeministri vetë do japë 100 euro për çdo pensionist dhuratë për votën.
Krahas kësaj është kanabisi për votën, ai ka shpërndarë 148 licenca për të mbjellë kanabis në mbarë vendin.
Ai nuk respekton asnjë ligj të Kodit Elektoral.
Këto janë, kjo është panorama e Shqipërisë, situata ku jemi.
Tani, cilat janë opsionet tona?
Ne duhet të luftojmë, të luftojmë, të luftojmë.
Në një diktaturë, nuk ke asnjë opsion tjetër. Por çfarëdo ndihme që mund të japë ky institucion, ne jemi shumë mirënjohës.
Pas dy ditësh, Parlamenti Europian, komisioni i jashtëm do organizojë një seancë dëgjimore për Shqipërinë. Ky shkëmbim është një mesazh i mirë që i dërgojmë shqiptarëve për interesin tuaj të madh.
Tolerancë zero ndaj krimit.
Kjo është e vetmja rrugë për të shpëtuar vendin time”, tha Berisha.
