Kryesore

Krasniqi:Jam arsimuar për të qenë mësues por kam qenë i detyruar të luftoj


Bëhu pjesë e Grupit Zyrtar të Opinion.al
>> KËTU <<
               Publikuar në : 12:15 - 09/11/20 |
Al Do

Ka përfunduar seanca e parë e Jakup Krasniqit në Dhomat e Specializuara. Ish-zëdhënësi i UÇK-së deklaroi disa herë se ndaj tij është bërë padrejtësi që është sjellë në këtë gjyq dhe se nuk mban përgjegjësi për akuzat e paraqitura në aktakuzë.

Disi i përlotur në fund të seancës, Krasniqi tha se ishte arsimuar për të qenë mësues dhe pjesëmarrja në luftën e Kosovës ka qenë domosdoshmëri.

“Unë i kuptoj këto njerëz, dhe mënyrën se si sillem, jam intelektual, jam arsimuar për të qenë mësues, por jam detyruar që të luftoj për mbrojtjen e Kosovës, por un as kaq nuk ia kam bërë sa më keni bërë ju, që mi keni lidhur duart duke mi kontrolluar disa herë, keni procedura që mund të jenë të përshtatshëm për kriminalë, por jo për mua. Unë i kam shkruar 15 libra, dhe ndihem shumë mirë, por ndihem keq për padrejtësinë, jo pak por tepër të madhe, as kaq padrejtësi sa më keni bërë nga ora 6 e 4 nëntorit e deri tani se kam merituar dhe s’ka kush që këtë padrejtësi të mundet që ta arsyetojë”, tha Krasniqi.

Ai rikujtoi se kishte qenë dëshmitar në tribunalin e Hagës për ish-Jugosllavinë dhe nëse kishte qenë fajtor do ishte gjetur i tillë që atëherë.

“Për Ish Jugosllavinë ka qenë një trubunal dhe ka pasur të akuzuar, kam qenë dëshmitar i kam thënë të gjitha dhe po të kishte një dëshmi, fakt të inkriminuar jam i bindur që trubunali ndërkombëtar i Hagës do të më dënonte, e shoh si përpjekje të fundit, më vjen keq ta them se në 2006, akademia e shkencave të serbisë ka bërë një përpjekje, që të ndërtonte dhe një tribunal për Kosovën dhe e arriti qëllimin duke krijuar një tribunal krejt njëetnik, kur nuk besoj që s’ka njeri që e di se kush ka bërë krime lufte në Kosovë”./ Opinion.al

Pas