Protesta e paralajmëruar sot nga opozita është anulluar. Liderët e partive opozitare në një konferencë për media kanë bërë të ditur se data e caktuar për “manifestim” është 28 nëntori.
“Kundërshtim të vazhdueshëm do të ketë vazhdimisht, por ajo që duhet të ceket është manifestimi i opozitës me 28 nëntor”, tha Ramush Haradinaj.
Kryetari i AAK’së, Ramush Haradinaj, në një konferencë për shtyp pas takimit me liderët e partive opozitare ka thënë se Kryeministri Mustafa, Hashim Thaçi dhe Kadri Veseli, dje e vendosën policinë e Kosovës në funksion të pushtetit. Ndërsa i pari i Lëvizjes Vetëvendosje Visar Ymeri u bëri thirrje policisë që të mos bëhen instrument i pushtetit dhe interesave të Thaçit dhe Mustafës.
