Rajoni

Kosovë/ Mallra kontrabandë, kamioni përplas policët që tentuan ta ndalojnë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:56 - 17/07/22 |
Opi Nion

Policia e Kosovës deklaron se pesë efektivë të saj janë plagosur gjatë një aksioni për të ndaluar një kamion në veri të Kosovës, që dyshohej se po kontrabandonte mallra.

Sipas njoftimit, në orët e mbrëmjes së 16 korrikut, në fshatin Jashnicë të Leposaviqit, efektivët e policisë kanë vërejtur kamionin që dyshohej se po kontrabandonte mallra, por në tentim për ta ndaluar kamionin, policia është penguar nga dy automjete civile.

Policia thotë se më pas ka bërë bllokimin e pjesshëm të magjistrales Mitrovicë-Jarinjë me dy automjete policore.

“Policia e Kosovës në fillim ka ndaluar një veturë me ngjyre të zezë, targa të panjohura dhe shoferi i saj dyshohet që ishte duke komunikuar në telefon me vozitësin e kamionit. Kamioni i dyshuar me një shpejtësi të madhe ka ardhur në drejtim të veturave dhe zyrtarëve policorë, me qëllim goditjen e tyre dhe me këtë rast, kamioni ka goditur një mkakinë të policisë. Përkundër të gjitha sinjalizimeve për të ndalur duke përfshirë edhe bateritë ndriçuese, drejtuesi i kamionit  ka vazhduar me vozitjen.

Zyrtarët policorë më pas kanë vazhduar që ta ndjekin kamionin, i cili vazhdoi të udhëtonte me shpejtësi të lartë në magjistralen Mitrovicë-Jarinjë.

“Në përpjekje e sipër për ta ndaluar, drejtuesi i kamionit e ka goditur makinën e policisë për herë të dytë, duke u plagosur policët si dhe duke shkaktuar dëme të konsiderueshme materiale”, thuhet në njoftim.

Policia thotë se arriti që ta ndalë kamionin në fshatin Llazhinë dhe ka arrestuar drejtuesin A.D. Shoferi akuzohet për veprat “kalim i kufirit ilegal”, “kontrabandim me mallra” dhe “sulm ndaj personit zyrtar”.

Ndërkaq, U.R, që drejtonte makinën që ndihmoi shoferin e kamionit, , është liruar në procedurë të rregullt.

Edhe në të kaluarën, efektivët e policisë së Kosovës janë penguar gjatë aksioneve të tyre kundër kontrabandës, ndërkaq në fillim të këtij viti janë regjistruar edhe sulme ndaj policisë edhe me mjete shpërthyese.

 

Pas