Kryesore

Kosovë/ Konfirmohet rasti i parë me variantin afrikan të Covid-19


Bëhu pjesë e Grupit Zyrtar të Opinion.al
>> KËTU <<
               Publikuar në : 13:48 - 08/06/21 |
Opi Nion

Instituti Kombëtar i Shëndetësisë Publike në Kosovë ka bërë me dije ditën e sotme se nga mostrat e testuara në laboratorët e Mikrobiologjisë është konfirmuar një rast me variantin afrikan të Covid-19.

Autoritetet shëndetësore në Kosovë bëjnë me dije se pacienti aktualisht është duke u trajtuar me medikamente në Klinikën Infektive.

Po ashtu njoftohet se ekipet hulumtuese të IKSHPK po gjurmojnë pandërprerë të gjitha burimet e mundshme për të parandaluar përhapjen e mëtejshme të rasteve të reja me këtë variant të Covid-19.

“Në laboratorët e Mikrobiologjisë të IKSHPK, në baza ditore testohen mesatarisht mijëra mostra në ditë. Nga mostrat e testuara në SARS-CoV-2, është konfirmuar edhe një rast me variantin afrikan të SARS CoV-2: South Africa (S.A) Lineage B.11351 (N501Y) (ËHO label: Beta). Pacienti është i hospitalizuar dhe duke u trajtuar në Klinikën Infektive. Duke qenë se tashmë rasti është kontaktuar, do të hulumtohen kontaktet për identifikimin eventual të rasteve të reja. Ekipet hulumtuese të IKSHPK po gjurmojnë pandërprerë të gjitha burimet e mundshme për të parandaluar përhapjen e mëtejshme të rasteve dhe implikimet e mundshme në shëndetin e njeriut”, njofton IKSHPK.

Sakaq, Instituti Kombëtar i Shëndetësisë Publike në Kosovë njofton se masat për të parandaluar përhapjen e variantit afrikan mbeten të njëjta.

“Masat parandaluese janë të njëjta. Personat të cilët rezultojnë pozitiv duhet të qëndrojnë në shtëpi për të parandaluar përhapjen në familje dhe në komunitet. Me zvogëlimin e kontakteve, do të mundësohet ndërprerja e përhapjes së infeksionit.

IKSHPK përsërit thirrjen për zbatimin e të gjitha masave të përgjithshme dhe specifike për mbrojtjen nga pandemia COVID-19 dhe zbatimin e masave të Qeverisë së Republikës së Kosovës”, njofton IKSHPK.

Pas