U nis drejt Sirisë për t’u bashkuar me të dashurin. Eshtë historia e një vajze 20-vjeçare nga Gjilani, e cila i shtohet numrit të kosovareve që nisen drejt Sirisë. Por rruga e Nora Zuzakut është ndalur nga policia. Lajmi bëhet i ditur nga gazeta “Express”, që njofton se vajza ishte në lidhje romantike me njërin nga dy të dyshuarit që së bashku, dje tentuan të marrin rrugën për Siri.
20 vjeçarja u ndal bashkë me dy djem të tjerë në Turqi. Ajo ishte nisur për në Siri bashkë me njërin nga të arrestuarit, i cili dyshohej se ishte i dashuri i saj, e i cili gjithashtu u ndal nga policia e Kosovës.
Dyshohet se Nora ka qenë e martuar, por që e ka shkëputur këtë martesë për të filluar një jetë të re me të dashurin e ri, në tokën e premtuar të Shamit.
Gazeta Express ka raportuar se Tahir Isufi 29 vjeç nga Mitrovica, Ismail Zeneli 21 vjeç nga Vushtrria dhe Nora Zuzaku 20 vjeçe nga Gjilani janë ndaluar nga autoritetet e sigurisë në Turqi, rrugës për në Siri.
Më pas ata janë arrestuar nga Policia e Kosovës, në pikën kufitare të Hanit të Elezit, pasi që në bashkëpunim janë kthyer nga autoritetet turke përmes Republikës së Maqedonisë.
Shkruaj nje koment
Për të postuar një koment, duhet të jeni i futur.
Per dhjane qeni do te shkonte,mos do e linin rehat? Jo