Autoritetet shëndetësore në Kosovë bëjnë me dije se janë regjistruar 19 raste të reja dhe asnjë viktimë. Këto janë të dhënat e Institutit Kombëtar të Shëndetësisë Publike në Kosovë lidhur me 24 orët e fundit, ku janë kryer 2267 testime për Covid-19. Në të gjithë vendin janë 126 raste aktive.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,973 pacientë me Covid 19. Prej tyre 2,265 kanë humbur jetën./Opinion.al
