Një kompani e cila zakonisht prodhon dhoma të lëvizshme për festivale, ka ndryshuar modelin e saj të biznesit përballë krizës së Covid-19.
Kështu, firma holandeze tani prodhon kabina ku të moshuarit mund të takohen me familjarët e tyre pa pasur frikën e infektimit dhe duke respektuar masat e distancimit social.
76 vjeçarja Mien Verhees, jeton në një azil të Eindhovenit. Ajo ishte e sëmurë për disa javë dhe kishte të gjitha shenjat e Covid-19, edhe pse nuk u testua kurrë. Motra e saj, e cila vuan nga një sëmundje pulmonare, nuk u lejua ta vizitonte.
Por, me instalimin e të ashtuquajturës dhoma Flexotel pranë qendrës për të moshuarit, dy gratë mund të takohen dhe të komunikojnë gati normalisht. Ato rrinë të ndara përmes një dritareje, por mund të flasin përmes citofonit.
Kabinat, të cilat përdoren zakonisht për strehime të përkohshme gjatë festivaleve, janë të sigurta dhe më komode se tendat./Opinion.al
