Aktualitet

Kompania italiane kërkon të menaxhojë aeroportin e Vlorës


               Publikuar në : 20:19 - 16/09/19 |
Al Do

Shoqëria italiane “Aeroporti di Puglia” kërkon të menaxhojë aeroportin e Vlorës. Sipas Corriere del Mezziogiorno kërkesa i është dërguar autoriteteve shqiptare dhe një përgjigje pritet të mërkurën.

“Kërkesa për shprehjen e interesit është dërguar në Shqipëri. Një përgjigje paraprake mund të vijë të mërkurën e ardhshme nga Fiera del Levante në rast të një takimi me atë që ka të drejtë të japë dritën jeshile, kryeministrin Edi Rama” shkruan media italiane.

Kryeministri Edi Rama prezantoi sot projektin e aeroportit të Vlorës dhe gjatë fjalës së tij ai tha se për ndërtimin e tij po shqyrtohen dy mundësi, ajo e ndërtimit nga një kompani private ose nga shteti, ndërsa për menaxhimin e aeroportit ai tha se do ta bëjë një kompani e specializuar.

Siç thotë artikulli i Corriere del Mezziogiorno, ‘Aeroporti di Puglia’ po shikon mundësi për tu ndërkombëtarizuar. Aty shkruhet gjithashtu se për menaxhimin e aeroportit shteti shqiptar do ta japë atë me konçesion për 35 vjet dhe se kjo procedurë do të ndiqet nga Albcontrol që është shoqëria menaxhon dhe kontrollon hapësirën ajrore Shqiptare.

‘Aeroporti di Puglia’ menaxhon për momentin katër aeroporte në rajonin e Pulias në Itali. Pjesa më e madhe e aksioneve të saj zotërohet nga rajoni administrativ i Pulias (99.41%). Së fundmi kompania ka nënshkruar një kontratë me një grup bankash për një kredi deri në 65 milion euro për rritjen e biznesit. /Opinion.al

Pas