Zgjedhjet europiane të 26 majit do t’i gjejë në një grupim të vetëm partitë kryesore radikale dhe nacionaliste.
Zëvendëskryeministri dhe kryetari i partisë “Lidhja” në Itali, thotë se BE-ja aktualisht është kthyer në makth për të rinjtë dhe popujt e Evropës.
Këto parti nuk kanë si objektivë të përçarjen apo shkatërrimin e Bashkimit Europian apo të Parlamentit Europian, por reformimin rrënjësor të tyre.
Partitë më të mëdha nacionaliste dhe anti-emigracion të Evropës kanë bashkuar forcat për të garuar në bllok në zgjedhjet evropiane të muajit maj.
Ministri i Brendshëm dhe zv.kryeministri italian gjatë konferencës “Drejt Evropës së Ekuilibruar” të mbajtur në milano, ftoi tre homologët e “Alternativës për Gjermaninë”, “Partinë Finlandeze” dhe atë të “Popullit Danez” që ta shpëtojnë projektin europian.
“Në këtë tavolinë sot nuk ka ekstremistë nostalgjikë, pasi nostalgjikët e vetëm ndodhen aktualisht në Bruksel. BE-ja e tanishme është kthyer në makth, dhe ne synojmë ëndrrën evropiane të shumë qytetarëve dhe popujve. Objektivi ynë është të jemi grupimi i parë politik në Evropë, që ta ndryshojmë atë.”
Ndërkohë, shefi i ultradjathtistëve gjermanë, Jërg Mojten, zbuloi se aleanca e re do të mbajë emrin “Aleanca Europiane për Popujt dhe Kombet”, dhe do të përfshijë të paktën 10 parti politike.
Meuthen: Duam që Bashkimi Evropian dhe Parlamenti Evropian të reformohen pa i shkatërruar si institucione. Duam të sjellim ndryshime radikale.
Idenë e koalicionit euroskeptik e kanë përqafuar deri tani nacionalistët francezë të prirë nga Marin Lë Pen, partia austriake për Lirinë dhe ajo e kryeministrit hungarez, Viktor Orban./ Opinion.al E.Xh.
