4 persona janë vënë nën hetim pasi kishin ndërtuar pa leje në plazhet e Jonufrit dhe Borshit.
Sipas uniformave blu, ka nisur procedimi për shtetasit G. A., S. M. dhe K. M., pasi pa lejen e organeve kompetente kishin ndërtuar në plazhin e Jonufrit tenda metalike dhe Xh. Gj., 28 vjeç, pasi në plazhin e Borshit, kishte vënë një mol plastik në ujë.
“Si rezultat i kontrolleve dhe i verifikimeve në zonat urbane dhe në ato bregdetare, me qëllim parandalimin, konstatimin dhe goditjen e paligjshmërive në fushën e ndërtimeve, si dhe bazuar në informacionet e siguruara në rrugë policore, shërbimet e komisariateve të Policisë Vlorë dhe Himarë kanë goditur 4 rast të tjera të paligjshmërive në këtë fushë, si dhe kanë referuar materialet në Prokurori, ku nisi procedimi në gjendje të lirë, për veprën penale “Ndërtimi i paligjshëm, për shtetasit:
-G. A., S. M. dhe K. M., pasi në plazhin e Jonufrit, kishin ndërtuar tenda metalike, pa lejen e organeve kompetente;
-Xh. Gj., 28 vjeç, pasi në plazhin e Borshit, kishte vënë një mol plastik në ujë, pa lejen e organeve kompetente.
Kontrollet vijojnë në të gjithë vijën bregdetare të qarkut”, tha policia.
Materialet procedurale i kaluan Prokurorisë për veprime të mëtejshme./Opinion.al
