Bota

Kina dhe Rusia kryejnë stërvitjen e parë të përbashkët në Paqësorin perëndimor


Bëhu pjesë e Grupit Zyrtar të Opinion.al
>> KËTU <<
               Publikuar në : 20:47 - 23/10/21 |
Opi Nion

Anijet luftarake ruse dhe kineze kanë kryer stërvitjen e parë të përbashkët në pjesën perëndimore të Oqeanit Paqësor, tha Ministria Ruse e Mbrojtjes në një deklaratë të Shtunën.

Patrullat përfshinin gjithsej 10 anije luftarake, pesë nga secili komb, dhe zgjatën një javë, nga e diela, 17 tetor deri të shtunën, 23 tetor, duke mbuluar 1,700 milje detare, sipas Ministrisë.

Objektivi i patrullës së përbashkët ishte të “demonstronte flamujt shtetërorë të Rusisë dhe Kinës, të ruante paqen dhe stabilitetin në rajonin e Azi-Paqësorit dhe gjithashtu të mbronte objektet e aktivitetit ekonomik detar të të dy vendeve”, thuhet në deklaratë.

“Gjatë patrullimit, grupi i anijeve luftarake kaloi për herë të parë përmes ngushticës Tsugaru”, thuhet në deklaratë.

Ngushtica Tsugaru është një rrip uji midis ishujve japonezë Honshu dhe Hokkaido në pjesën veriore të vendit, që lidh Detin e Japonisë me Oqeanin Paqësor.

Krahas patrullës, dy marina ushtruan manovra të përbashkëta taktike dhe kryen një sërë stërvitjesh ushtarake, thuhet në deklaratë.

Të dy vendet kanë një partneritet të vazhdueshëm ushtarak dhe kanë kryer një seri stërvitjesh të përbashkëta ushtarake, profili më i lartë i të cilave ishte “Vostok 2018”, i cili përfshinte një betejë të simuluar në të cilën një koalicion ruso-kinez luftoi një armik të trilluar.

Në gusht, Rusia dhe Kina bashkuan forcat edhe një herë për të përdorur një sistem të përbashkët komandimi dhe kontrolli, me trupat ruse të integruara në formacionet kineze, sipas një deklarate të ministrisë së mbrojtjes të Kinës në atë kohë.

Udhëheqësi rus Vladimir Putin ka një aleat tek Presidentin kinez Xi Jinping, tha zëdhënësi i Ministrisë së Jashtme kineze Zhao Lijian në një konferencë për shtyp në qershor, ku pohoi se të dy vendet ishin “të bashkuara si një mal” me një miqësi “të pathyeshme”./Opinion.al

 

 

 

Pas