Aktualitet

Kim takon Ahmetajn: SHBA serioze për korrupsionin, nëse jo tani, kur?


Bëhu pjesë e Grupit Zyrtar të Opinion.al
>> KËTU <<
               Publikuar në : 13:13 - 13/10/21 |
Opi Nion

Ambasadorja e SHBA, Yuri Kim është takuar me Zvendës/ kryeministrin, Arben Ahmetaj.

Në një status në “Twitter” Kim zbardh temat e diskutimit me Ahmetaj. Kim thekson se ka theksuar që SHBA është serioze për çështjet e korrupsionit duke i kërkuar qeverisë të ndërmarrë hapa të vërtetë.

Më tej ajo thotë se tridhjetë vjet pas përfundimit të diktaturës komuniste, udhëheqësit e Shqipërisë nga të gjitha anët duhet të shfrytëzojnë mundësinë për të thyer zakonet e këqija të së kaluarës, për të bërë ndryshime të vështira, por të nevojshme, në mënyrë që brezi i ardhshëm të ketë një të ardhme më të mirë.

Kim shkruan: “U takova me Zvendës/ kryeministrin, Arben Ahmetaj, për të theksuar dëshirën për partneritet të fortë për  demokracinë, mbrojtjen dhe biznesin. Gjithashtu nënvizova se SHBA është shumë serioze në lidhje me korrupsionin. Ne i bëjmë thirrje qeverisë të ndërmarrë veprime të vërteta në mënyrë që të jetë më e drejtë, më e fortë dhe më e pasur.

Ne diskutuam për rëndësinë e zgjidhjes së të drejtave të pronësisë, duke përfshirë dixhitalizimin e regjistrave për t’iu kundërvënë ndërhyrjes ilegale njerëzore. Zbatimit të reformës në drejtësi në mënyrë që qytetarët dhe investitorët të mbështeten në gjykata të pastra, trajtimin e pastrimit të parave dhe shqetësimeve të tjera të përshkruara nga FATF.

Tridhjetë vjet pas përfundimit të diktaturës komuniste, udhëheqësit e Shqipërisë nga të gjitha anët duhet të shfrytëzojnë mundësinë për të thyer zakonet e këqija të së kaluarës, për të bërë ndryshime të vështira, por të nevojshme, në mënyrë që brezi i ardhshëm të ketë një të ardhme më të mirë. Nëse jo tani, kur? Flamuri i Shteteve të Bashkuara do të vazhdojë të jetë me ju në mbështetje të plotë” ./Opinion.al

 

Pas