Ambasadorja amerikane në Tiranë, Yuri Kim, ka përshëndetur edhe një herë vizitën e përfaqësuesve të Senatit dhe Kongresit të SHBA-ve në Shqipëri.
Përmes disa fotove të postuara në llogarinë e saj në “Twitter”, Kim shkruan se takimi me kreun e qeverisë dhe liderin e PD-së, tregon se marrëdhëniet e SHBA dhe Shqipërisë e tejkalojnë politikën.
Ajo shkruan se ligjvënësit amerikan kërkuan përparim në sundimin e ligjit.
“Faleminderit për vizitën në Shqipëri. Takimi me kryeministrin dhe kreun e PD, Lulzim Basha tregojnë se marrëdhëniet SHBA- Shqipëri tejkalojnë politikën. Ligjvënësit kërkuan përparim në sundimin e ligjit, duke theksuar se do të tërheqë biznes dhe investime”-shkruan Yuri Kim.
Ndër të tjera ajo tregon se senatorët dhe kongresmenët e SHBA takuan edhe afganët e evakuuar në Shqipëri.
“Ligjvënësit vizituan gjithashtu të evakuuarit afganë që kanë kërkuar strehë të përkohshme të sigurt në Shqipëri. Mirënjohje të thellë popullit shqiptar për mikpritjen e tij. Krenar që shoh OJQ, biznese dhe vullnetarët e SHBA që mbështesin ata në nevojë”-shkruan ajo në Twitter.
1/2 Thanks to @SenJoniErnst @RepSlotkin @RepDavidValadao @RepLaTurner for visiting ??. Meetings w/PM @ediramaal & DP @lulzimbasha_al show that ???? relations transcends partisan politics. ?? lawmakers urged progress on rule of law, noting it will attract ?? business & investment. pic.twitter.com/CGcICciZs7
— Ambassador Yuri Kim (@USAmbAlbania) November 8, 2021
