Kim Jong-un konfirmoi se i kishte shijuar një gotë gjatë takimit historik me Moon Jae-in, por ishte refuzimi i tij për të hequr dorë nga një tjetër ves që ka marrë vëmendjen e medias koreano-jugore.
Gjatë kursit të takimeve të tyre, Kim, i cili njihet si pirës i thekur duhani, nuk ndezi as edhe një cigare në praninë e Moon Jae-in, me sa duket në shenjë respekti për Presidentin koreano-jugor, që është plot 31 vite më i madh se ai. Cigarja e pandezur në një pikë të caktuar të samitit erdhi e papritur.
Në fotografitë zyrtare të Koresë së Veriut, Kim shihet shpesh me një cigare në gishtat e tij, edhe në vizitat në një shkollë apo një spital fëmijësh dhe korrikun e shkuar u pa të pinte cigare edhe gjatë një lançimi rakete.
Por, të premten cigaret nuk u panë askund gjatë qëndrimit të tij në zonën e demilitarizuar, në bisedimet me Moon mbi një urë këmbësorësh në Panmunjon, edhe pse zyrtarët kishin lënë një paketë mbi tryezë.
Ai nuk e përdori as paketën me cigare që i ishte vendosur përpara në bisedimet e që shërbyen thjeshtë për të thyer akullin me Moon, në një dhomë pritjeje të Pallatit të Paqes.
Mund të themi me siguri se Kim ka shijuar një cigare në rrugën e kthimit për në Veri, pasi ai dhe Moon drekuan bashkë, ndërsa raportohet se ka shijuar pakëz nikotinë vetëm një herë në tokën koreano-jugore, qetësisht, duke rrëshkitur nga salla e banketit e tejmbushur, në mbrëmje, në një dhomë të ndarë.
Përveç respektit për Moon, zyrtarët koreano-jugorë besojnë se Kimi ka menduar se pirja e duhanit në mesin e bisedimeve për paqen dhe denuklearizimin mund të konsideroheshin si jopolitike.
