Trupat e KFOR janë larguar nga pika kufitare në Jarinjë, pas qëndrimit dyjavor, që shoqëroi trazirat në veri si rezultat i vendimit të qeverisë së Kosovës për reciprocitetin e targave.
Sikurse raporton Klan Kosova në këtë zonë nuk ka madje as prani të trupave ndërkombëtare të NATO-s, ndërsa në vend mbahen sot zgjedhjet lokale.
Ditë më parë situata ishte tensionuar dhe rrugët për pikat kufitare në Jarinjë dhe Bërnjak ishin bllokuar nga serbët lokalë që protestonin pasi Qeveria e Kosovës vendosi masën e reciprocitetit për mjetet me targa serbe.
Kjo situatë solli takimin e negociatorëve në Bruksel dhe një marrëveshje, e cila parashikonte edhe vendosjen e trupave të KFOR-it në pikat 1 edhe 31 për dy javë./Opinion.al
KOMENTO (0)
